Өнөөдөр аргын тооллын 2016 оны дөрөвдүгээр сарын 29. Баасан гараг. Билгийн тооллын XVII жарны “Муу нүүрт” хэмээгч Гал бич жилийн Хаврын адаг хар луу сарын Билгийн тооллын 22. Сугар гараг. Элдэв тэнгэртэн одтой, 5 шар мэнгэтэй цагаагчин могой өдөр. Өдрийн барилдлага: Рашаан.Шүтэн барилдлага: Өтлөх үхэхүй. Өдрийн наран 5 цаг 43 минутад мандан, 20 цаг 02 минутад жаргана.
Тухайн өдөр үхэр, тахиа жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлд шамдах, бүтээл туурвил эхлэх, худалдаа арилжаа хийх, бизнэс эхлэх, зэрэг дэвших, сүм дуганыг сэргээх, газар лусын зан үйл хийх, өр барагдуулах, гэр бүрэхэд сайн. Ургаа мод таслах, газрын ам нээх, гөлөг тэжээхэд муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод баруун хойш мөрөө гаргавал зохистой. Үс шинээр үргээлгэх буюу засуулбал эд, эдлэл, идээ, ундаа олно хэмээжээ.
* * *Өрнийн зурхай * * *
Хонь (3/21-4/19)
Өнөөдөр ихэнх хүмүүс хайртдаа хүчтэй мэт татагдах боловч, энэ нь баяр баясгалангаас илүүтэй уур бухимдлыг авчирна. Өөрийнхөө биеэ авч явах байдлаа анхааран харж бусадтай муудалцахгүй байхыг хичээ. Төлөвлөсөн уулзалтаа дараагийн өдөр болгон хойшлуул. Ажил тань ихээхэн хүч чармайлт, стандарт бус арга заль, болж буй асуудалд шийдэмгий хандахыг зөвлөж байна. Энэ оройг ой модтой газар өнгөрөөхийг хичээгээрэй. Унтахын өмнө халуун баннанд эсвэл сүү уухыг зөвлөж байна.
Үхэр (4/20-5/20)
Гадаад орчны нөлөөллөөс болж сэтгэл санаа тавгүйтнэ. Таны урьд нь тааварлан бодож байгаагүй өвчин гэнэт илрэх бөгөөд асуудал төвөгтэй байдал орно. Гэхдээ орчин үөд техник технологи хөгжиж өвчнийг эдгээх чадвар дэлхий дээр маш өндөр болсныг сана. Бизнесийн харилцаанд үүсэн асуудал таагүй үр дүн авчрах бололтой. Бусдад өөрийн юу хүсэж байгааг хэлэхээс илүү тэд таныг чин сэтгэлээсээ сонсож чадсан уу гэдгээ олж мэд. Худалдаа наймааны ажил амжилттай өрнөж, мөн хүлээж байсан үр дүнг авчирна. Мөнгө олох шинэ санаа урган гарна.
Хамтатгах (5/21-6/21)
Оюутнууд ирээдүйн мэргэжлийн дагуу ажилд орно. Энэ нь тэдэнд мэдлэгээ шалгах сайхан боломж болно. Ямар албан тушаал хаших талаар таны туршлага дутаж болох юм. Гэвч танд дипломоо гардан авсны дараа юу хийхээ шалгах боломж олдоно. Ихэнх асуудлууд санхүүтэй холбоотой байх учир хэн нэгэнд өрөө төлж мөн ахин зээл авах бололтой. Тиймээс мөнгөний эрэлд гарна. Ойрын хамаатандаа тусал та бүх хүчээ дайчлан тэмц. Ажилдаа зоригтой ор. Ямар ч ажил хийсэн энэ нь танд амьдралын сайн сургууль болно.
Мэлхий (6/22-7/22)
Өнөөдөр таны ажил хэрэгт бага зэрэг саад гарна. Тиймээс та хүмүүстэй хамтрах хэрэгтэй. Эсвэл хүмүүсийг өөртөө татах хэрэггүй. Энэ ордныхны төлөвлөсөн ажил бүтэмжтэй. Та мөнгөө маш анхааралтай зарцуулах нь зүйтэй. Бизнесменүүд ирээдүйгээ итгэлтэй харж ойрын болон холын хамтрагчидтай болно. Санхүүгийн байдал сайжрах төлөвтэй байна.
Арслан (7/23-8/22)
Өнөөдөр мөнгө санхүүгийн алдагдалд аваачих нөхцөл байдал гарцаагүй нүүрлэх, аль эсвэл өөрийн баримталдаг зарчим, үзэл бодлыг шууд орхих магадлал өндөр байна. Өнөөдөр эхэлснээ дуусгахын тулд төлөвлөгөө зохиох, орлогын шинэ эх үүсвэр эрж хайхад таатай өдөр. Энэ өдөр хувийн амьдралын зарим алдаагаа засах гайхалтай боломж гарна. Үдээс хойш хуучны найзуудтайгаа уулзах магадлалтай.
Охин (8/23-9/22)
Мэргэжлийн ба гэр бүлийн харьцаанд олон хүндрэлүүд дагуулсан осолтой өдөр. Ажил дээр эсвэл таагүй хүмүүстэй маргалдан бэрхшээл үүсэж болзошгүй. Амлалт өгөх, хоосон чалчихаа боль. Хувь заяа таныг сорьж туршина, энэ үед хамгийн дотны, итгэлт хүнтэйгээ байхыг хичээ. Түүний зөвлөгөө маш үнэ цэнэтэйг та хожим ухаарна. Өөрийн биеийн байдал, ойр дотны хүмүүсийн эрүүл мэндэд анхаарал тавь. Тэвчээртэй байж, биеэ барих чадвараа харуул. Харилцан уур уцаараас өөр юу ч авч ирэхгүй дэмий хоосон маргаанд бүү оролц.
Жинлүүр (9/23-10/22)
Өнөөдөр тэвчээр, тайван байдал, зохион байгуулалт дутагдана. Иймээс эхэлсэн ажлаа дуусгаж чадахгүй нь. Хэд хэдэн ажил зэрэг бүү хий. Өөртөө хэт итгэж бардамнаж болохгүй. Бүү сандар. Өндөр хэмжээний таатай зүйлд хүрэх өдөр. Ихэнх гэр бүлүүд харилцаагаа бэхжүүлнэ. Хамрын ханиад хүрч болзошгүй. Саад бэрхшээлийн ихэнх хэсэг нь таатай өөрчлөлтийг авчирна. Аз завшаан таныг инээлгэж, амьдралдаа хүсэж байсан санхүүгийн амжилтад хүрнэ.
Хилэнц (10/23-11/21)
Өнөөдөр та хүнд нөхцөл байдлаас хамгийн бага алдагдалтай гарч чадна. Мөн дотнын хүмүүстэйгээ харьцах харьцаагаа сайжруулж чадна. Төвөгтэй хүнд нөхцөл байдлаас гарахын тулд маш их идэвх гарга. Гэхдээ энэ нь тийм ч амар бус гэдгийг сана. Өөрийн санаа бодлоо бусдынхаас дээгүүр тавьснаар санхүүгийн алдагдал эсвэл нэр хүнд унах алдааг гаргана. Тавьсан зорилгоосоо буцах хэрэггүй. Бүх боломжоороо ажиллахыг хичээ. Гэхдээ энэ үедээ хөрөнгөө хэмнэ.
Нум (11/22-12/21)
Ажлаа өөрчилж, шинэ нөхөдтэй болно. Од эрхэс таны ажлын чадварт нөлөөлж магадгүй. Энэ нь таны идэвхгүй байдалтай холбоотой бөгөөд ирээдүйн ажилд тань саад хийж болзошгүй. Ажлынхаа хамтрагчидтай үл ойлголцох байдал үүсэж магадгүй тул эртнээс өөрийн ажлаа төлөвлөөрэй. Түншүүд тань санхүүгийн тодорхойгүй байдалд таныг орхин одох бөгөөд та санхүүгийн цоорхойд үлдэнэ.
Матар (12/22-1/19)
Олонх хүмүүс хичээл сурлага, ирээдүйдээ эрсдэлтэй алхам хийнэ. Сургууль дээр тогтсон уламжлалын эсрэг тэмцэхийн өмнө дахин дахин сайн бод. Харилцаа болон хайр сэтгэл, бодит байдалд баяр баясгалан авчрах өдөр. Тогтворгүй байдал сэтгэл гутрал хэсэг хугацаагаар алга болно. Таатай аялал, бүтээлч уулзалт, бүх хүрээнийхэнтэй гэрээ хэлэлцээрт таатай байна. Танхай бүлэглэл, эсвэл дотуур байранд өөрийн дэг журмыг тогтоох гэсэн хүмүүстэй бүү нийл.
Хумх (1/20-2/18)
Таны хувийн амьдрал олонд ил болох нь төдий л таалагдахгүй болов уу. Ялангуяа та хайртай хүнээ хуурсан эсвэл хүүхдүүдтэй холбоотой таагүй асуудалд холбогдсон бол энэ нь тун муухай асуудал. Олон нийтийн газар бүү оч. Олны өмнө үг хэлэхээ хойшлуул. Таны уран бүтээл, оюун ухааны чадварыг хүмүүс зохих ёсоор үнэлэхгүй.
Загас (2/19-3/20)
Энэ өдөр ямар нэгэн өөрчлөлт хий. Гадуур явж стрессээ тайл. Амьдралд туршлагатай хүмүүс амжилтад хүрдэг. Санасан төлөвлөгөөг өөрчилж мэдэх таагүй мэдээ, гэнэтийн уулзалт болж мэднэ. Дипломат байдал их байх хэрэгтэй. Ямар нэгэн эрсдэлтэй алхам хийхээс бүү ай. Хийж буй зүйл чинь ирээдүйдээ санаа зовхооргүй болох санхүүгийн амжилтыг авчирна.
