Нэгэн цагт Монголын сайхан бүсгүй шалгаруулах тэмцээн гэж сүр дуулиантай наадам болж эх орны өнцөг булан бүрээс бүсгүйчүүд тэмцээнд оролцох гэж бүтэн жилийн турш бэлддэг байлаа. Тэмцээнээс төрсөн миссүүд нь ч үнэхээр сайхан гэж хэлэгдэхээр бүсгүйчүүд байсан. Тэр цагийн сайхан бүсгүйчүүдийн гоо сайхан өнөөдөр ямар болсон бол?
Мисс Э.Одгэрэл
Мисс Ч.Мичидмаа
Монгол Улсын гурав дахь сайхан бүсгүй, нэрт сийлбэрч Чуваамидийн эрх танхи охин Ч.Мичидмаа. тэрбээр аварга Д.Сумъяабазарын гэргий болж, чимээгүйхэн амьдарч байгаа. Хааяа дуурийн театр орж, балетаар хичээллэсэн шигээ гунхах миссийг сайхан хэвээрээ байна гэлцдэг.
Мисс Н.Мөнхцэцэг
Энэ бүсгүйг миссүүдийн мисс гэж өргөмжилдөг. Тэрбээр нэг хэсэг Монголын билэг танхай дуучин гэгддэг “Харанга” хамтлагийн дуучин Х. Лхагвасүрэнтэй хамтран амьдарч байсан. Гэсэн хэдий ч тэдний амьдрал хоёр тийш болсон. Харин түүнийхээ дараа УИХ-ын гишүүн асан Д. Зоригт гишүүний хоёр дахь эхнэр болж үрийн зулай үнэрлүүлсэн гэж хэсэгтээ л хэвлэлээр шуугисан юмдаг.
Мисс Д.Уянгалянхуа
СУИС-ийн оюутан байхдаа “Овжин охид” кинонд тоглон олны танил болсон энэ бүсгүй дараа жил нь “Монголын сайхан бүсгүй” тэмцээний тэргүүн байрыг эзлэн мисс гэдэг нэр хүндтэй алдрын эзэн болж байсан түүхтэй. Хэд хэдэн кинонд дүр бүтээн ажлын гаргаагаа амжилттай эхлүүлж байсан бүсгүй Монголын тэргүүн баячуудын нэг Д.Ганбаатартай ханилан дөрвөн хөөрхөн хүүхдийн ээж болжээ.
Мисс Ё.Нямжав
Монголын сайхан бүсгүйчүүдийн нэг Ё.Нямжав хүрээний хүүхнүүдээс цахиур хагалж, хөдөө нутгаас төрсөн мисс хэмээгддэг. Учир нь тэрбээр Завхан нутгаас төрсөн мисс. Алтан эрдэнийн титэм зүүсэнийхээ дараа “Хатан-Эрдэнэ” холбоонд ажилласан цорын ганц мисс. Харин тэрбээр одоо БНХАУ-д мэргэжил дээшлүүлж ирээд, улс төрд бэлтгэгдэж байна.
Мисс Ч.Содтуяа
Монголын сайхан бүсгүйчүүд дундаас шантрашгүй, дайчин хэмээн цоллогддог бүсгүй бол мисс Ч.Содтуяа. Тэрбээр нэвтрүүлэг хийж, загварын агентлагийн захирал гээд түүнд ажил их байгаа. Нэлээд завгүй мисс бүсгүй маань одоо ээж аав охиныхоо хамтдаа амар тайван амьдарч байгаа. Харин загварын агентлагийг тэргүүлж байгаа миссийн хувьд маань гоо сайхандаа үнэхээр сайн анхаардаг.
PHOTONEWS.MN
