Попын хаан Майкл Жексон таалал төгсөхөд түүний охин Пэрис ердөө 11 настай байсан юм. Охин аавдаа дэндүү хайртай байсан учраас одоог хүртэл түүний үхэлтэй эвлэрч чадахгүй байгаа аж.
Аавынхаа гэгээн дурсгалыг мөнхжүүлэх ээлжит алхмаа Пэрис шинэ шивээс хийлгэснээр гүйцэлдүүлсэн байна. Тэрбээр гаран дээрээ аавынхаа дүрийг мөнхжүүлжээ. Пэрис Жексон аавынхаа Dangerous цомгийн хавтсан дээрх гэрэл зургийг шивүүлэв.
Бүсгүй нийгмийн сүлжээнд шивээснийхээ гэрэл зургийг байршуулаад дор нь “Амьдрал өөрөө их утга учиртай зүйл шүү. Амьдралын утга учир янз бүрийн хэлбэрээр оршиж байж болно. Хэзээ ч өөрийн хаанаас угшилтайг бүү мартагтун. Хэний хүүхэд вэ гэдгээрээ бахархаж яв” хэмээн бичжээ. –