Гэрлэлт гайхалтай ч нэг бодлын сорилт байдаг. Хэн үлгэрт гардаг цагаан морьтой ханхүүтэй гэрлэхийг хүсэхгүй байх билээ? Мэдээж, Таны хувьд таны залуу гайхалтай эр нөхөр мөн. Гэхдээ дараах шинж чанарыг тулгаад үзээрэй!
1. Тэр тантай харилцдаг.
Тэр тантай ярьж, таны үгийг сонсож, ойлгохыг хичээдэг. Хэзээ нь ярьж, хэзээ нь ярихгүй байхыг сайн мэддэг. Тантай бүх зүйлийн тухай илэн далангүй ярилцдаг.
2. Цагийг хамт өнгөрүүлэх дуртай
Та гэртээ суугаад хайрын тухай кино үзэн, гадуур хамт хооллох нь ч хамаагүй тантай л хамт байвал тэр хамгийн жаргалтай байна.
3. Таныг инээлгэдэг.
Алиа хошин зантай залууд дургүй хүн байдаг гэж үү? Хачин хачин юм ярьж, инээдтэй нүүрний хувирал гарган савж унатал тань инээлгэнэ. Таны инээд л түүнийг хамгийн аз жаргалтай залуу болгодог.
4. Дэмжлэг үзүүлдэг.
Амьдралын өгсөж уруудах хугацаанд таны л дэргэд байна. Ямар ч нөхцөл байдалд байсан таны арыг даах болно. Таны чадварт хэн хүнээс илүү итгэдэг. Өөртөө эргэлзэх үе ирэхэд тэр л таны дэргэд байж танд цааш үргэлжлүүлэх хүчийг өгнө.
5. Өөрийн мэддэг бүхнээ чин сэтгэлээсээ заана.
Тэрээр харилцаанд эрэгтэй хүн л хамгийн ухаантай, мэргэн байх хэрэгтэй гэдэгт итгэдэггүй. Амьдралынхаа турш хуримтлуулсан мэдлэгээ тантай хуваалцахад ямагт бэлэн байдаг.
6. Үнэнч байдал.
Шударга байцгаая. Эр хүн бүр нүдээ баясгах эрхтэй. Сайхны өмнө харц буруугүй гэдэг биз дээ. Бид нар ч гэсэн сайхан залуучуудыг шохоорхон хардаггүй гэж үү? Гэсэн хэдий ч гайхалтай нөхөр олон сайхан хүүхнүүдийг харж нүдээ баясгадаг ч, түүний зүрх сэтгэлд ганцхан эмэгтэйн орон зай бий гэдгийг мэддэг. Түүний зүрх сэтгэлд та гаднаа ч, дотроо ч хамгийн үзэсгэлэнтэй нь байх болно.
7. Өөрийнхөө алдааг мэддэг.
Алдаа гаргавал няцаахын оронд алдаагаа хүлээн зөвшөөрч чадах чинээгээрээ засахад бэлэн байдаг.
8. Таныг хамгаалж, халамж тавьдаг.
Таны аюулгүй байдалд үргэлж анхаарал хандуулдаг. Хүрэх газартаа аюулгүй хүрсэн үгүйг чинь утсаар лавлана. Ямар нэгэн аюул, гэмтлээс таныг хамгаалахын тулд чадах бүхнээ хийнэ. Та бие болон сэтгэлээрээ эрүүл байх нь түүний хувьд хамгийн эрхэм зүйл юм.
9. Таныг ойлгодог.
Таны дуртай өнгө, зайрмагийг тань олж мэдэхэд нэг их хэцүү биш, гэхдээ сэтгэлийн тань гүнд юу байгааг ойлгох хүн олох тун хэцүү. Таныг юу уурлуулж, юу аз жаргалтай болгодгийг тэр сайн мэднэ. Таны үнэ цэнэ, амьдралын зорилгыг ойлгодог.
10. Таныг дутуу үнэлдэггүй.
Таны эрч хүч, авьяасыг хүлээн зөвшөөрдөг. Бүх талаараа таниас илүү гэж огт боддоггүй. Таныг өөрийн гэсэн ер бусын шинж чанартай гэдэгт итгэдэг. Нөхөр тань таныг амьдралдаа гайхалтай зүйлст хүрч чадна гэдгийг мэддэг, та ч мөн адил. Энэ бүсгүй чинь минийх юм шүү гэж хэлэхдээ бахархадаг.
