Хүн барби гэдэг нэрээрээ танил болсон Украины загвар өмсөгч бүсгүй Валерия Лукянова өөрийгөө 14 наснаасаа хойш бараг л өөрчлөгдөөгүй гэдэг ч түүний дэлгэсэн өсвөр насны зургаар бол тэр одоогийн дүр төрхөөсөө огт өөр байжээ. Тэрээр ганцхан хөх томруулах мэс засал хийлгэснээс бусдаар бүгд өөрийнх нь унаган төрх гэдэг ч одоо 30 настай бүсгүй өсвөр насандаа хар ид шидэнд итгэдэг өөр дүр төрхтэй нэгэн байжээ.
Ер бусын нарийхан бэлхүүстэйгээрээ олны анхаарлын төвд орж, улмаар барби хоч авсан Валерияг хүмүүс бэлхүүснийхээ өөхийг соруулж, хамартаа мэс засал хийлгэсэн гэж харддаг. Харин тэрээр дасгал сургуулилт, зөв хооллолтын дүнд ийм үр дүнд хүрсэн гэж хэлсээр байгаа юм. Тэрээр өмнө нь агаараар хооллодог хэмээн ярьж нэг хэсэг олныг шуугиулсан билээ. Амьдрахад заавал хүнс хоол, ус хэрэггүй, агаараар хооллож болно гэж үздэгээ Валерия хэлж олны гайхширлыг төрүүлж байсан юм.
