“UBS” телевизээс жил бүр зохион байгуулдаг “Universe best songs” наадмыг үздэггүй хүн ховор болж. Өнгөрсөн жил тус наадмын шүүгчээр УГЖ, НҮБ-ын элч дуучин Т.Ариунаа, УГЗ Б.Долгион, “Pro sounds” студийн хөгжмийн найруулагч Рагу нар ажиллаж байсан. Харин энэ жил Т.Ариунаа хүндэтгэх шалтгааны улмаас чөлөөлөгдөж Буриад Улсын Ардын жүжигчин Б.Амархүү энэхүү нэр хүндтэй наадмын шүүгчийн үүргийг гүйцэтгэх болсон. Тус наадмын зарим оролцогч залуу хүн болохоор нь учирлаж хэлбэл үг авна гэж бодсон уу Б.Амархүү уруу дэмжихийг хүссэн мессэж илгээж байсан гэнэ.
Үүнд дуучин маань ихэд эгдүүцэж “Сүүлийн үед миний утас уруу байнга залгаж байна. Үнэхээр хэцүү юм аа. Тэрийг дэмжээч гээд л” хэмээн хамтран шүүгч Рагуд хуучилжээ. Гэтэл Рагу “Тэр чинь ёстой дуулж чаддаггүй юм билээ гээд л хэлчих. Нэг хэсэг над уруу их залгадаг байсан. Тэгж хэлдэг болсноос хойш утас минь амарсан даа” гэжээ.
