Канадын дуучин Жастин Биберын шинэ найз бүсгүй болох София Ричи түүний зарим нэг шүтэн бишрэгчдэд ерөөсөө таалагдахгүй байгаа гэнэ. Өдгөө энэ хоёр Токио хотод амарч яваа бөгөөд Японд цагаа хэрхэн өнгөрүүлж байгаа тухайгаа илтгэсэн гэрэл зургуудаа нийгмийн сүлжээн дэх өөрийн хуудсан дээр үлдээж байгаа юм. Зургийн дор бичигдсэн таагүй сэтгэгдлүүдийг уншиж залхаад Жастин элдэв таагүй зүйл бичиж байгаа шүтэн бишрэгчдэдээ анхааруулга өгсөн байна. Хэрэв цаадуул нь түүний хайртай бүсгүйг элдвээр муулахаа зогсоохгүй бол мань хүн өөрийн хуудсыг хаана гэж сүрдүүлжээ.
“Залуус аа, хэрэв та нар увайгүй үйлдлээ зогсоохгүй бол би Инстаграм дахь өөрийн хуудсаа хаах бодолтой байгаа шүү. Та нар үнэхээр л миний шүтэн бишрэгчид юм бол надад таалагддаг хүмүүсийг доромжлохоо больцгоо” хэмээн Жастин өөрийн хуудсан дээр бичсэн аж. Нэрт дуучин, хөгжмийн зохиолч Лайнел Ричигийн охин, Канадын дуучин залуу нар хэдэн долоо хоногийн өмнөөс үерхэж эхэлсэн бөгөөд сүүлийн үед салж хагацахгүй байгаа билээ.
Энэ асуудлаас Селена Гомес хол байхыг хүссэнгүй бололтой. Үүссэн нөхцөл байдлыг тайлбарлахдаа тэрбээр “Чи өөрийн шүтэн бишрэгчидтэй хэл амаа ололцож чадахгүй бол найз бүсгүйнхээ зургийг нийтлэхээ больчих л доо. Шүтэн бишрэгчдэдээ бүү гомд. Тэд чамд хайртай шүү” хэмээн бичжээ.
Тэрбээр хардаж байгаа бололтой.
Жастин Бибер, София Ричи Эх сурвалж www.wikimon.mn
