Урлаг урлагийн дотроос хамгийн төгс мэдрэмжийг хөмүний сэтгэл, оюунд үгээр зүйрлэхийн ижилгүй тийм сайхнаар хөглөн хүргэдэг хөгжмийн ертөнцийн оргил бол яах аргагүй “амьд хөгжим” юм.
Сэтгэлийн “төгс” аялгууг мэдрүүлдэг дэлхийд алдартай оддын маань амьдрал эрч хүчлэг хийгээд сүрлэг тэр л аялгуу шигээ “ритмлэг” байсан эсэхийг сониучирхан нэг өнгийснөө хуваалцаж байна.
Ийн эрэлхийлэх зуураа тэдгээр рок оддын төлөөлөл болсон алдартнуудын “халуухан” загвар өмсөгчидтэй болзож, бүр гэр бүл болцгоосон түүхийг сөхсөнөө дуулгая.
1. Синди Крауфорд / Cindy Crawford
- Хэнтэй: Жон Бон Жови / Jon Bon Jovi
- Хэдэн онд: 1995
Алдартай загвар өмсөгч Синди Крауфорд рок хамтлаг Бон Жовигийн “Please Come Home For Christmas” дууны клипэнд тоглосон бөгөөд хамтлагийн ахлагч Жон Бон Жовитой хамтран амилуулсан эл бүтээлээс тэдний хайрын романс эхэлсэн гэдэг. Хэдийгээр харилцаагаа албан ёсоор нийтэд зарлаагүй ч тэд нэгэн үе яахын аргагүй учиртай байсан ажээ.
2. Стефани Сэймур / Stephanie Seymour
- Хэнтэй: Аксиль Рөүз / Axl Rose (Guns n’Rose)
- Хэдэн онд: 1991 – 1993
Дэлхийн загварын ертөнцийн хүсэмжит бүсгүйчүүдийн нэг тэрээр тус хамтлагийн хоёр ч дууны клипэнд тоглосон бөгөөд Аксиль түүний 1991 онд “Playboy” сэтгүүлд авахуулж байсан зургийг харсан даруйд холбоо тогтоож клипэндээ ч тоглуулж, болзож эхэлсэн гэдэг.
3. Адриана Лима / Adriana Lima
- Хэнтэй: Ленни Кравиц / Lenny Kravitz
- Хэзээ: 2001 – 2003
Охид, бүсгүйчүүдийн мөрөөдлийн оргил болсон Викториа’с Сикритийн гайхалтай дур булаам сахиусан тэнгэр маань нэгэн үе олныг шуугиулж байсан Америкийн рок, регги, сөүл “ретро” стилийн уран бүтээлч залуутай 2 жил хамт байжээ. Тэдний харилцаанаас хамгийн онцлууштай шар мэдээг Адриана түүнээс салахдаа хэрхэн охин биеэрээ үлдэж чадсаныг хэмээн хэвлэлээр багагүй шуугиж байсан гэдэг.
4. Кэйт Мосс / Kate Moss
- Хэнтэй: Пэт Доэти / Жэми Хинс
- Хэзээ: 2005 – 2007 / 2007 – одоог хүртэл
Тэрээр 31 насныхаа төрсөн өдрөөр анх Английн “Libertines” хамтлагийн гишүүн асан Пэттэй танилцаж байсан гэнэ. Харин Америкийн рок хамтлаг “The Kills”-ийн гитарчин Жэмитэй 2007 оноос учир ургуулж эхэлсэн тэд 2011 онд гэрлэсэн гэнэ.
5. Лили Олдриж / Lily Aldridge
- Хэнтэй: Калеб Фолловил
- Хэзээ: 2010 – одоог хүртэл
“Playboy” сэтгүүлийн модел, “Victoria’s Secret”-ийн сахиусан тэнгэр Лили урлагийн гэр бүлээс гаралтай ба Америкийн “Kings of Leon” хамтлагийн ахлагч Калебтай 2010 оноос хойш хамтдаа амьдарч байгаа юм байна. Тэд 2011 онд гэрлэж мөн анхныхаа үрийн зулайг үнэрлэжээ.
6. Иман / Iman
- Хэнтэй: Дэвид Боуви / David Bowie
- Хэзээнээс: 1992 – одоог хүртэл
Иман ба Дэвид нар 1992 онд гэрлэж нэг охинтой болсон ба Британий рок од Дэвидийн өмнөх гэргийн хүүгийн хамтаар Лондонд амьдардаг ажээ. Сомалийн загвар өмсөгч тэрээр 18 настайдаа Сомали гаралтай хүнтэй гэр бүл болж байсан ба мөн сагсан бөмбөгчин Спенсэр Хэйвүүдтэй гэрлэж байсан гэнэ.
7. Эдди Сэжвик / Eddie Sedgwick
- Хэнтэй: Боб Дилан / Bod Dylan
- Хэзээ: 1965
1960-аад онд дэлхийн загварынхныг ид ганхуулж явсан Америкийн нэрт модел асан Эдди 1965 онд хөгжмийн ертөнцийн домог болсон алдартнуудын нэг Боб Дилантай болзож байсан гэдэг. Тэдний ахархан учрал Боб Диланыг өөр нэгэн бүсгүйтэй нууцаар гэрлэх хүртэл үргэлжилсэн гэдэг юм билээ.
8. Элл Макферсон / Elle Macpherson
- Хэнтэй: Брайн Адамс
- Хэзээ: 2007 – 2008
Австралийн супер модел түүнийг рок хөгжмийн алдартнууд болох Аксиль Рөүз, Билли Жоель зэрэг олон залуутай учиртай байсан гэдэг ба тэрээр мөн Канадын рок дуучин Брайн Адамстай ч болзож байжээ.
9. Анна Вьялицына / Anne Vyalitsyna
- Хэнтэй: Адам Левин / Adam Levine (Maroon 5)
- Хэзээ: 2010 – 2012
Оросын “Sports Illustrated” сэтгүүлийн усны хувцасны загвар өмсөгч, “Victoria’s Secret”-ийн сахиусан тэнгэр Анна болон алдарт “Maroon 5” хамтлагийн дуучин, ахлагч Адам нар 2010 онд тус сэтгүүлийн арга хэмжээний үеэр танилцаж байсан гэдэг. Харамсалтай нь тэд 2012.04 сард хоёр тийшээ болжээ.
10. Наоми Кэмпбелл / Naomi Campbell
- Хэнтэй: Адам Клэйтон / Adam Clayton
- Хэзээ: 1993 – 1994
15 настайгаасаа загварын тайзнаа хөл тавьж 1980 – 1990-ээд онуудад ид мандаж явсан Английн модел Наоми цөөнгүй эрчүүдтэй учиртай байсны нэг нь Ирландын “U2” хамтлагийн басс гитарчин Адам юм. Тэд 1993 оны 2 сард танилцаж дотноссон ч 1994 онд салжээ.
11. Жессика Стэм / Jessica Stam
- Хэнтэй: Энтони Кийдис / Anthony Kiedis
- Хэзээ: 2005 – 2006
Загварын салбарынхаас ашиг орлогоороо тэргүүлдэг гэгддэг залуухан загвар өмсөгч Жессика Америкийн алдарт “Red Hot Chili Peppers” хамтлагийн дуучин, хөгжмийн зохиолч Энтонитой 2005 – 2006 онд болзож байсан гэнэ. Тэдний харилцаанаас онцлууштай нь алдарт рок хамтлагийн анхны уран бүтээлүүд 1983 онд хит болж байх мөчид нэгэн үе дотноссон Жессика нь хараахан хорвоод мэндлээгүй байсан юм. Жессика 1986 онд төржээ.
12. Пэтти Хэнсен / Patti Hansen
- Хэнтэй: Кэйт Ричардс / Keith Richards (The Rolling Stones)
- Хэзээнээс: 1979 – одоог хүртэл
“Calvin Klein”-ий чадварлаг моделоор ажиллаж байсан Америкийн загвар өмсөгч тэрээр Английн “The Rolling Stones” хамтлагийн гитарчин, тус хамтлагийг үүсгэн байгуулагчдын нэг Кэйттэй түүний 40 насны төрсөн өдрөөр буюу 1983 онд гэр бүл болжээ. Тэд хоёр охинтой гэнэ.
Эх сурвалж: Playskull.mn
