Америкийн алдарт дуучин, реппер Канье Уэст “Famous” дууныхаа клипэнд тоглосон алдартнуудыг лааны тосон барималаар хийлгүүлж “Famous by Kanye West” хэмээх тусгай үзэсгэлэн гаргажээ.
Тэрээр энэхүү үзэсгэлэнгээ энэ сарын 26-ны өдөр Лос-Анжелес хотноо тусгай зочдын хамт нээсэн байна.
Тус дууны клипэнд эхнэр Ким Кардашиан, Рианна, Тайлор Свифт, АНУ-ын Ерөнхийлөгчийн сонгуульд Бүгд найрамдах намаас нэр дэвших гэж буй Доналд Трамд, экс Ерөнхийлөгч Жорж Буш, жүжигчин Билл Косби, загвар өмсөгч Амбер Роуз, нэрт сэтгүүлч Анна Винтур нарын 11 алдартан чармай нүцгэн нэг оронд хэвтэж буйгаар дүрслэгдсэн байдаг. Олон нийтийн дунд таамаг, мэтгэлцээнийг үүсгэж анхаарал татаад буй клипнийхээ санааг Канье АНУ-ын зураач Винсенто Диседериогийн “Зүүд” гэх зурагнаас сэдэвлэсэн гэдэг.
