Бага залуу байхаасаа л нийгэмд гадуурхагдаж, өөрийг нь гаж төрүүүлсэн байгаль эхэд гомдож байна хэмээн хэвлэлд ярилцлага өгдөг байсан Ганбууш эмэгтэй хүн болоод удаагүй байгаа.
Тэрбээр Тайланд улсад хүйс солиулах мэс ажилбар хийлгэсэн бөгөөд Монголдоо ирмэгцээ Эх нялхасын эрдэм шинжилгээний төвд хэвтэн эмчлүүлж байгаа юм. Түүний хийлгэсэн мэс ажилбар монголд хөгжөөгүйн дээр маш хүнд төрлийн хагалгаанд ордог.
Тиймээс нэлээдгүй хугацаанд эмчилгээ хийлгэх бөгөөд эмчийн хяналтанд байж, гам сайн барих хэрэгтэй аж. Тэрбээр мэс ажилбарынхаа тухай “Энэ бол үнэхээр эрсдэлтэй алхам байсан. Гэхдээ би бүхий л амьдралынхаа туршид эмэгтэй хүн байхыг хүсч байсан болохоор эрсдэлээс айлгүй хүсэл мөрөөдлөө биелүүлэхээр шийдсэн. Ийм зүйл хийсэндээ би хэзээ ч харамсахгүй, үргэлж өөрөөрөө бахархаж явна. Энэ чинь миний насан туршдаа мөрөөдөж байсан зүйл шүү дээ. Одоо ёстой үр хүүхэдтэй болоод сайхан амьдарна аа.
А.Ариунхур
www.uls.mn
