Одоогийн охид бүсгүйчүүд насаараа залуу сайхнаараа явах мэтээр аашилдаг болжээ. Фитнес төвийн хувцас солих өрөөнд 70 настай эмэгтэй нүцгэн байхад нь зургийг нь аваад олон нийтийн цахимд сүлжээнд тавин даажигнасан 2013 оны 12-р сарын “Playboy” мисс Дэни Мэтерс зургаан сар хорих ялаар шийтгүүлэх нь тодорхой болжээ. Мисс бүсгүй өнгөрсөн 6-р сард өөрийн явдаг LA Fitness фитнесс төвийн хувцас солих өрөөнд хувцсаа сольж байгаа ахимаг эмэгтэйн нүцгэн зургийг нууцаар аваад Snapchat-д тавьж тоглоом тохуу хийн даажигнасан.
Зургийнхаа дор “та нар үүнийг харж чадах нуу би бол огт үгүй” хэмээн тохуурхсан тайлбар оруулсан гэнэ. Лос-Анжелос хотын 70 настай эмэгтэй өөрийнх нь нүцгэн зургийг нууцаар аваад цахимаар цацсан болохыг олж мэдээд маш их гомдож гутарсан тул тэр дороо цагдаад ханджээ. Цагдаа экс Playboy мисс Дэни Мэтерс нь энэхүү ёс журамгүй хорлонтой даажигналын эзэн болохыг олж тогтоосон. Олон нийт ч өөрөө хөгшрөхгүй, гоолиг бие нь бүдүүрэхгүй мэт аашилсан мисс бүсгүйн үйлдлийг огтхон ч таашаасангүй.
Ялангуяа ахмад настнууд зохих шийтгэлийг нь хүлээлгэхийг хатуу шаарджээ. Мисс бүсгүйд үнэгүй дасгал сургууль хийх эрх өгсөн LA Fitness төв ахиж оруулахгүй гэсэн бол хамтран ажилладаг KLOS ФМ гэрэээгээ цуцалжээ. Сандарсан мисс уучлал гуйж зургийг зүгээр л найз руугаа явуулах гэж байгаад товчлуур андуурч дараад цахимаар цацсан хэмээн “тайлбарласан” ч нэгэнт оройтжээ.Цагдаа мисс бүсгүйн хэргийг шүүхэд шилжүүлсэн агаад доод тал нь зургаан сар хорих ял авах нь тодорхой болжээ.
НУУЦ.мн
