Төмсний хучмалтай бөөрөнхий мах

20150618012111-2811431909259-600x338ОРЦ:
– Үхрийн татсан мах: 280-300 гр
– Төмс:   3-4 ш
– Өндөг: 4 ш
– Ургамлын тос: 350-400 гр
– Масло: 3 х.х
– Давс:  2-1 ц.х
– Хар перц:  1/4-1/2 ц.х
– Сармис:  2 хумс
– Сонгино: 1/2 ш
– Гоньд: 1/2 ц.х
– Талхны хатаамал: 1/2 ц.а

ХИЙХ АРГА:

Төмсийг угааж хальслалгүйгээр халуун буцалсан усанд хийж 20-25 минут чанана. Дараа нь уснаас шүүж гаргаад сэрүүн газар тавьж сайтар хөргөөрэй. Хөрсний дараа хальсыг ховхлон авна. Учир нь төмсний хальсанд хүний биед хэрэгтэй эрдэс бодис байдаг тул хальстай нь чанахад илүү амттай болдог.

Энэ хооронд үхрийн /хонь, тахиан мах байж болно/ татсан махыг давс, хар перц, ногоон сонгино, сармис, гоньд, халуун чинжүү, паприка зэрэг хүссэн амтлагчаараа амтлан сайтар базаж нухна. Махан шүүс хийх хэрэггүй шүү. Ингээд махыг түр хугацаанд амраагаарай.

Ингээд алхам -1 дээрх төмсийг хальслаад аяганд хииж дээрээс нь 3 хоолны халбага масло, 2 ширхэг өндөгний шар, давс, хар перц хийж амтлаад сэрээ ашиглан сайтар нухаж холиод жигд барьцалдсан төмсны нухаш болгоорой.

Амталсан махыг гарын алганд багтах хэмжээгээр жижиглэн авч бөөрөнхийлнө.

Махны гадуур төмсний нухшаар жигд бүрхэж бөөрөнхийлж өгнө. Хэт зузаан бөөрөнхийлөх хэрэггүй. Үүний дараа төмстэй бөөрөнхий махыг миксэрдсэн өндгөнд өнгөцхөн норгосны дараа талхны үйрмэг дээр өнхрүүлээрэй. /Талхны хатаамал/

Буцлам халаасан халуун тосонд амталсан -төмстэй бөөрөнхий махыг хийж 7-8 минут алтан шаргал өнгөтэй болтол шарна.

Тосноос гаргаж тосыг сайтар шүүсны дараа идэхэд бэлэн боллоо.


Төмсний хучмалтай бөөрөнхий мах
Жиргэх
Манай хуудсанд LIKE дарж нэгдэнэ үү
Түлхүүр үгс:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд MISS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.