Зарим хүмүүс маш олон найзтай, харин зарим нь тийм ч олон найзтай биш байдаг. Зарим хүмүүсийг “сайн хүн” гэж байхад, заримыг нь тэгдэггүй. Найз нөхөд олонтой байна гэдэг сайн хэрэг шүү. Энд хэрхэн найзуудынхаа “од” болж, найз нөхдөөрөө хүрээлүүлэх нууцыг дэлгэж байна.
За ингээд “100000 /мөнгөний үнэ цэнийг бодоод/ төгрөгтэй явснаас 100-н найзтай явсан нь дээр”,
“Танилтай хүн талын чинээ, танилгүй хүн алгын чинээ” гэсэн ардын сайхан үгээрээ эхэлье.
ХИЙХ ЁСТОЙ ЗҮЙЛСИЙН ЖАГСААЛТ:
1. Хүмүүс сайн мэдээ сонсох дуртай. Тиймээс үргэлж сайн мэдээ түгээгч бай.
2. Дандаа инээмсэглэ – аль болох нүүрэндээ инээмсэглэл тодруул. Бүр утсаар ярьж байхдаа хүртэл шүү. Найзууд чинь гарцаагүй чамайг харах болно.
3. Өөрт тохиолдсон түүхүүдийг ярьж өг. Бүр чамд тохиолдсон ч бай, муухай, харамсмаар түүхүүдийг ч хүртэл оруулж болно шүү дээ.
4. Найзынхаа сайн талыг олж харж, магт, сайн талыг нь олж харж ил тодоор хэлээрэй. Хүн бүр бодит, жинхэнэ магтаалд дуртай байдаг. Жинхэнэ магтаал бол бялдуучлал БИШ гэдгийг санаарай.
5. Зүгээр л байнга ‘Сайн уу, Hi’ гэдэг үгийг хэрэглэ. Ихэнхидээ ийм богинохон яриа танд аз жаргалтай байдлыг авчрах бөгөөд эргээд харилцагчаас чинь өөр тохиолдолд ижил хариуг хүлээн авах болно.
6. Түүх, болсон явдлуудыг ярьж сур. Таныг хөгжилтэй байлгах нэг нууц шүү.
7. Цаг хугацаанд мэдрэмжтэй бай. Энэ нь ердөө хэзээ яриагаа дуусгах вэ? гэдгээ л мэдэж бай гэсэн үг. Шөнийн 12 цаг хүртэл яриад байж болохгүй биз дээ.
8. Найз чинь юунд дуртай байдгийг санаарай. Тэр зүйлээ холбож ярь /тэднийг мартаагүй, тэд чиний хувьд хэр үнэ цэнэтэйг нь л мэдүүлчих/. Тэдэнд ийм зүйл өмнө нь болж байсан учраас санаад тэглээ, ингэлээ гэдгээ хэлээрэй.
9. Уулзалт, төрсөн өдрийг нь санаж байгаарай. Хэдхээн уулзалдах чухал уулзалт болзоогоо /төрсөн өдөр, ой гэх мэт/ заавал санаж байгаарай.
10. Хааяа үнэтэй биш ч гэсэн бэлэг авч өгөөрэй. Шоколад ч юм уу, нэг их зардал гарахгүй, 1000-2000 төгрөгний дотор ч юм уу.
11. Урмын үг, эсвэл ямар нэгэн тэмдэглэл жижигхэн цаасан дээр бичээд өгөөрэй. Ямар нэгэн шалтгаангүйгээр өрөөнийхөө, ангийнхаа, ажлынхаа найз нөхөд, хамтрагчиддаа зориулаад…
12. Илүү ихээр ярь. Аль болох яриад л бай. Хүмүүстэй утсаар ярихаас битгий ай. Зөвхөн чи тэдэн лүү утсаар ярьдаг болсны дараа л тэд чам руу утасддаг болно.
13. Илүү дотно харилцааг бий болгомоор байна уу? Гэрчлэл, түүхээ бичээрэй. Үүнийг Hi5, Facebook, MySpace зэрэг вэбсайтууд дээрх профайлд нь л үлдээчих. Халамжтай, хайртай, найзархаг үгүүдийг ашигласны хэрэггүй. Харин оронд нь анх танилцаж байсан тухайгаа, хамт аялж байсан сонирхолтой үеүд, чи түүний тухай юу гэж бодож байсан гэх мэт зүйлсээ бичиж үлдээгээрэй.
Хэрвээ чи блог хөтөлдөг бол тэр найзынхаа тухай өгүүлэл бичиж болно. Ил дэлгэмээргүй байна гэж үү? Тэгсэн ч гэсэн зөвхөн тэр найз чинь уншаад өөрийнх нь тухай бичжээ гэж танихаар л нэр усыг нь нууцлаад бичиж болно.
14. Найзуудтайгаа холбогд, хаагуур яваад байна аа. Хэрвээ чи найзынхаа хүрээг тэлмээр байгаа бол тэдэнтэй холбогд, үйл ажиллагаануудад оролц.
15. Өөрийнхөө талаар нэг хөөрхөн танилцуулаад сурчих. Яагаад та хүн бүрийн хажууд нь байх дуртай байдаг хүн бэ гэдэг талаар 30 секундын турш хэлээч. Хэдэн хөгжилтэй танилцуулах түүх зохиочих. Энэ аргаар маш олон найз нөхөдтэй болно.
16. Аливаа зүйлд татагдан сонирхох сонирхлоо дээшлүүл. Чи хөлбөмбөгийн /жишээ татав/ талаар мэддэггүй, мэдэх ч албагүй байж болно л доо. Гэхдээ л дор хаяж энэ талаар ярихад нүүр улайхгүй, юу ч мэдэхгүй байж болохгүй ш дээ. Мэдээ сонс, зарим нэг тоглолт таарвал үзчих. Хэй, энэ чинь л яриаг өдөөж өгөх түлхүүр байхгүй юу?
17. Асуулт асуу. Найзыгаа ярьж байхад нь илүү дэлгэрэнгүй мэдэхийн тулд асуулт асуу. Ингэснээр тэд чи тэдний яриаг сонирхож байна гэдгийг мэдэж, эргээд чамайг сонсох болно.
18. Тийм эсвэл үгүй гэж хариулаад болчих асуултыг аль болох битгий тавь. Оронд нь тэдний санаа бодлыг асуу.
19. Найзуудаа хоолонд урь. Гэртээ хоолоо хийгээд тэднийг дуудаж ч болно ш дээ.
20. Хамтдаа спортоор тогло. Битгий нэг тэнэг шүүгч юм шиг байгаарай. За ямар ч спорт мэддэггүй байлаа гэж бодоход дор хаяж “АЛХАНА” биз дээ.
21. Нийтлэг сонирхол дээрээ үндэслэн хүмүүстэй танилцаарай. Энэ бол шинэ найзуудтай болох хамгийн, хамгийн амархан арга. Ном унших дуртай бол номны хорхойтнуудтай чи маш амархан нөхөрлөж чадна. Зураг авах хоббитой, блогчид, өөр юу байдгийн бүх л зүйл. Чи болон тэднийг холбож байгаа нийтлэг сонирхол юу байна? Үүгээрээ дамжуулан танихгүй хүнтэй амархан дотносч болно.
22. Өөрийгөө урамшуул. Хэн нэгнийг найз гэдэг үүднээсээ хэрхэн ямар нөхцөл байдлаас аварч байсан бяцхаан түүхээ хуваалцаж болно. Гэхдээ хэтрүүлбэл өөрийгөө магтаад байгаа юм шиг санагдах болно шүү.
23. Найдвартай, итгэлтэй бай, хүмүүсийг урамшуул. Хэн нэгэн чамд асуудлаа ярихад түүнийг сонсож, бүх зүйл зүгээр болно гэж урамшуулан, тэдэнд энэ асуудлаа даван гарч туулах урам зоригийг өг.
24. Бусдын төлөө залбир. Сайн хүмүүсийг чам руу илгээж байгаад Бурханд залбирч болно шүү дээ. Чи Бурханд итгэдэггүй байсан ч зарим нэг сайн сайхан бодлуудыг яагаад илгээж болохгүй гэж…
– See more at: http://www.unen.mn/content/38118.shtml?alias=entertainment#sthash.jma2iPla.dpuf
