АНУ-ын Нойр судлалын үндэсний сангийн мэргэжилтнүүдийн явуулсан судалгаагаар тус улсын иргэдийн 20 хувь нь энэ асуудалтай тулгардаг байна. Профессор Александрос Вгонтзасын өгүүлснээр бол чухамхүү энэ өөрчлөлтүүд нь нойрмог байдлыг өдөөдөг аж. Тухайн хүн илүүдэл жингээ хасах юм бол ядаргаа нь арилдаг гэнэ. Үүнийг 1173 хүнийг долоон жилийн туршид ажигласан судалгаа харуулав. Эрдэмтдийн сонирхлыг тэдний биеийн жин, сэтгэл санааны байдал болон нойрны дэглэм нь татсан байна.
Судалгааны явцад хүмүүсийн 8 хувь нь өдрийн цагаар нойр нь их хэмжээгээр хүрч байсныг гомдолложээ. Гэхдээ энэ үзэгдэл сэтгэлийн хямралд орсон хүмүүст гурав дахин их ажиглагдаж байсан гэнэ. Мөн илүүдэл жинтэй хүмүүст хоёр дахин ихээр “халдварлаж” байв. Тухайн хүн лагс биетэй болох тусам тэрбээр өдрийн цагаар нурмайсан байдалтай байдаг аж. Мөн илүүдэл жинтэй 103 хүнд ажиглалт хийтэл тэр хүмүүс шөнө нь их унтах тусмаа өдрийн цагаар зүүрмэглэдэг болох нь тогтоогдсон байна. Тийм учраас эрдэмтэд нойрмог байдал болон сэтгэлийн хямралаас ангижрахын тулд илүүдэл жингээ хаяхыг зөвлөжээ.
www.wikimon.mn