Дуурийн дуучин Ө.Уянга саяхан Төрийн тэргүүнээс алтан гадас одон гардаж авсан юм. Тэрбээр шагнал гардан авсныхаа дараа “Төр түмнийхээ итгэлийг дааж олон сайхан бүтээл туурвиж, үзэгч олноо баясгаж явах болно” гэж сэтгэгдэлээсээ хуваалцаж байсан юм. Түүнтэй цөөн хором хөөрөлдснөө хүргэе.
– Хийж бүтээсэн уран бүтээлийг тань үнэлэн энэхүү шагналыг өгсөн байх гэж бодож байна. Та ямар уран бүтээл дээр ажиллаж байна вэ?
– Дуурийн чиглэлийн сонгодог CD хийж, бас тоглолт хийхээр төлөвлөж байгаа. Бэлтгэлээ базааж байна.
– Та тоглолтоо хэзээ хийх вэ?
-Одоогоор хугацаагаа товлоогүй байна.
– Таны цаашдын зорилго юу вэ?
-Цаашдаа дэлхийн хэмжээнд дуулж, монголын сонгодог урлагийг дэлхийд үнэлүүлэхийг мөрөөддөг. Энэ мөрөөдлөө биелүүлэхийн төлөө хичээж байгаа.
-Classic Jеm хамтлагтай хамтрах уу?
– -Үгүй ээ. Дуурийн чиглэлээр л дагнах сонирхолтой байгаа.
-Энэ хамтлагтаа буцаад орооч гэсэн хүсэлт тавьбал хүлээж авах уу?
-Орохгүй ээ.
Ц.Баяр www.times.mn
