Э. Энхболд: Сэтгэлгээ маань үргэлж өлсгөлөн байж шинэ зүйлд цадахыг хүсдэггүй

36Монголын Залуучуудын Холбооноос уламжлал болгон зохион байгуулдаг “Залуу хүн” цуврал лекцийн хоёр дахь уулзалт өнгөрсөн баасан /2016. 10. 14/ гарагт боллоо. Зочноор “International Fashion Super Model” тэмцээний “Гранпри” шагналт загвар өмсөгч Э.Энхболд оролцсон юм. Тэрээр энэ удаад Э.Энхболд гэдэг хувь хүнийхээ талаар түлхүү мэдээлэл өгч, уран бүтээл, хайр дурлал, гэр бүл гээд бүхий л дурсамжаа хуваалцсан.

Түүнчлэн удахгүй бие даан гаргах гаргах ковер дууны цомгийнхоо бүтээлээс хүрэлцэн ирсэн залуустаа бэлэг барьж, олон нийтэд тэр бүр дэлгээд байдаггүй гэр бүлийнхээ талаар ярьж, залуусын сонирхсон асуултанд хариулан нээлттэй ярилцлаа. Тэрбээр залууст хандан хэлэхдээ ” Би үргэлж шинэ мэдлэг мэдээллээр цангасан, өлссөн ”hungry man” байхыг хүсдэг. Сэтгэлгээ маань үргэлж өлсгөлөн, аливаа нэг зүйлд сэтгэл ханахыг хүсдэггүй. Залуус маань бас тийм байгаасай. Залуу хүнд бөөн эрч хүч, хүсэл тэмүүлэл байна тэр бүх зүйлээ улам хурцалж яваарай гэж хүсч байна” хэмээсэн юм.

МЗХ энэ жилээс “Залуу Хүн” цуврал лекцийг өвөрмөц онцлогтой зохион байгуулж байгаа бөгөөд энэ удаагийн лекцийн зочин олны сонирхол татахын зэрэгцээ тайзны засал тун өвөрмөц байсныг залуус онцолж байлаа. Монгол уламжлалыг, байгальтай хослуулсан уг тайзыг МЗХ-ны залуус гар доорхи материалаар өөрсдөө хийж, чимэглэсэн аж. Загвар өмсөгч Э.Энхболдтой ярилцах гэсэн, ярилцлагыг нь сонсох хүсэлтэй 200 гаруй залуус МЗХ-ны 150 хүний суудалтай танхимыг дүүргэсэн байлаа. Эдгээр оролцогчдын дундаас азтай нэг үзэгч шалгаруулж, удахгүй болох O COUTURE FASHION SHOW- хаа урилгаар шагналаа.

Энэ долоо хоногийн /2016. 10. 21/ цувралыг лекц мөн сонирхолтой байдлаар зохион байгуулахаар төлөвлөсөн байгаа бөгөөд “Шивээ овоо”-н уурхайгаас залуустаа хүрэх аж. Харин 2016. 10. 28-ны өдөр “Рио-2016” олимпийн хүрэл медальт, ОУХМ Д.Отгондалай оролцох юм байна.


Э. Энхболд: Сэтгэлгээ маань үргэлж өлсгөлөн байж шинэ зүйлд цадахыг хүсдэггүй
Жиргэх
Манай хуудсанд LIKE дарж нэгдэнэ үү

Сэтгэгдэл бичих

АНХААРУУЛГА: Уншигчдын бичсэн сэтгэгдэлд MISS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.