Тэртээх “Гоёл 2001” наадмаас “Өсөх ирээдүйтэй загвар өмсөгч” хэмээх өргөмжлөлийг хүртэж байсан загвар өмсөгч С.Хишигбаярыг ЦЕГ-ын дарга, хошууч генерал Д.Сандаг-Очирын отгон охин гэдгийг цөөхөн хүн мэддэг. Манайхан түүнийг төдийлөн таньдаггүй хоёр шалтгаан бий. Нэгдүгээрт, тэр хувийн амьдралын хувьд дуулиан шуугиан тарьж байсангүй. Хоёрдугаарт, Ид боловсорч эхлэх үедээ Америк явчихсан учраас энэ тайзнаас холдсон гэж үздэг юм билээ.
С.Хишигбаяр загварын ертөнцөд арван хоёрхон настайдаа хөл тавьж, арван долоон настайдаа өөрөөсөө олон насаар ах хүнтэй амрагласан гэх ярианд ороогдож явсан. Тэрээр энэ дуулианаас ч болсон уу олны хэл амнаас ангид байхыг хичээсээр өдгөө хүрчээ. Хамгийн сонирхолтой нь эрхэм генералын “эрх охин” тухайн үед зохиогддог байсан “Miss Legs-2000” буюу “Хамгийн том хөх, урт хөлтэй мисс” шалгаруулах тэмцээний тэргүүн байрын шагналыг хүртэж байсан шаггүй нэгэн. Энэ тэмцээнд нэг метрээс илүү урт хөлтэй, “орги” хөхтэй хүүхнүүд оролцдог байжээ.
С.Хишигбаяр 183см өндөртэй. Өндрөөсөө болж чамгүй асуудалд ордог байсан сурагтай. Тодруулбал, түүнийг арван долоон настай байхад эрчүүд хорь гарсан бүсгүй гэж андуураад гудамжинд “өдөж” хоргоогоод явуулдаггүй байсан гэнэ лээ. Тухайн үеийн хэвлэлүүдэд “Цагдаа аав нь ч танхил охиноо шөнө орой гаргадаггүй”, “Урт хөлт мисс орой үдэш гэрийн хорионд байдаг” хэмээн бичиж байлаа.
ЦЕГ-ын дарга, хошууч генерал Д.Сандаг-Очирын амин хайртай охин С.Хишигбаяр Америкт суралцахын хажуугаар “New York model management” буюу дэлхийн топ 10 загварын агентлагийн 5-д жагсдаг агентлагт гэрээгээр загвар өмсөж байсан нь түүний хэн болохыг төвөггүй тодорхойлно. Өндөр нуруутай, зөв порпорцтой, хувирах чадвар дээд зэргийн гээд модель хүнд байх ёстой үнэт чанарууд цөм С.Хишигбаярт байдаг тухай ТОП-ууд “ам булаалддаг” юм билээ.
Тэрээр дэлхийн хувцас загварын нэр хүндтэй загварын агентлагаас гадна Токиод загвар өмсөж, олон ч брэндийн нүүр царай болж Монголын нэрийг дэлхийн дэвжээнд гаргаж явсан “мундаг” загвар өмсөгч. Титэмгүй л болохоос Топ-ын зиндаанд аль хэдийнэ хүрсэн түүнийг загварынхан “азтай бүсгүй” хэмээн онцлох нь ч бий.
Өдгөө тэрээр ТЕГ-ын дарга асан генерал Сандагийн хүү С.Амардөлгөөнтэй гэрлэж, хувийн бизнесээ эрхлэн, хуулийн чиглэлээр суралцаж байгаа сурагтай. Магадгүй хуульч эцгийнхээ “шийрийг хатаах”-аар шийдсэн ч байж болох юм.
Б.Дэжид /factnews.mn/
