Монголын үндэсний бөх, монгол ардын дуу хоёр нэг юмны хоёр тал мэт салшгүй холбоотой. Тэгвэл бөх, дуучин хоёр тоонт гэрт толгой холбоно гэдэг гайхамшигт хувь заяа гэлтэй. Энд хэний тухай ярих гэж байгааг уншигчид минь тааварласан байх. Мэдээж Монгол Улсын начин Б.Насандэлгэр, МУСТ ардын дууч Д.Бурмаа нарын тухай. Дуучин бүсгүй маань начныг дөрвөн жил араасаа гүйлгэсний эцэст гэргий нь болсон гэдэг. Түүний ах аймгийн арслан Д.Батбаатартай начин Б.Насандэлгэр дотно найз байсан аж. Хэрхэн гэр бүл болсон талаараа ардын дууч бүсгүй дурсан ярихдаа “Би анх Насаагийн хүнлэг, даруухан занд нь татагдсан. Тэр үед сургуулиа төгссөн, залуухан бүсгүй байсан болохоор зөндөө л залуус гуйдаг байлаа. Тэдэн дундаас энэ л хүн хань болж чадахаар түшигтэй хүн шиг санагдсан. Тэгээд л ахынхаа найзын эхнэр болчихсон” хэмээн дурссан байдаг.
Харин начин Б.Насандэлгэрийн хувьд Д.Бурмаагийн шударга, шулуухан зан анхнаасаа таалагдаж сэтгэл алдаран хойноос нь идэвхитэй дөрвөн жил харайлгасаны эцэст гэргийгээ болгож чадсан гэсэн шүү.
А.Түшиг www.uls.mn
