УИХ-ын гишүүн асан Ц.Оюунгэрэл хэдхэн өдрийн өмнө 50 нас хүрлээ. Тэрээр төрсөн өдрөөрөө сурагч охиноос эхлээд хуримын даашинзтай сүйт бүсгүй, ажил хэрэгч төрхийг илэрхийлсэн өөрчлөлтөөр гэнэтийн бэлэг барьсан юм. Түүний энэхүү өөрчлөлтийг “Venlis Mongolia”, “Eco beauty”, “Sheril Mongolia” салоны хамт олон хийжээ.
Тэрээр энэ тухай medee.mn сайтад өгсөн ярилцлагадаа “Би үргэлж өөрийгөө ийм гоё болгож үнэхээр чадахгүй л дээ. Харин өөрчлөлтөөс би “Хүүе хүн ингэж гоё өөрчлөгдөж болдог юм байна шүү дээ” гэж л мэдэрсэн. Надад ингэж гоё өөрчлөгдөх өгөгдөл байгаа юм байна гэж бодсон шүү Тэгээд ч би угаасаа нэг хэвийн маягтай хувцаслаж, нэг хэвийн үстэй явдаг. Үүндээ ч их дасчихсан. Нэгдүгээрт зав байхгүй гэдгээр их далимдуулдаг, хоёрдугаарт улс төрч хүн дүр төрхөө тийм ч их өөрчлөөд байдаггүй, гуравдугаарт би хэтэрхий гоё байхаараа биеэ бариад байдаг юм. Тиймээс өөрөө өөртөө их эвтэйхэн, өөртөө итгэлтэй байхын тулд энгийн л байхыг илүүд үздэг. Миний өөрчлөлтийг харсан эмэгтэйчүүд хувцасаа хадгалъя, 50 нас хүрэхдээ яаж гангалахаа ойлголоо, фитнесст явлаа” гээд л маш өөдрөг сайхнаар хүлээж авсан” гэжээ.
ЭХ СУРВАЛЖ: Breakingnews.mn
Б.Алтжин
