Реалити шоугаар амьдралаа олонд дэлгэж хийсэн бүтээсэн зүйлтэй, хөдөлмөрч авьяаслаг нэгнээс дутахааргүй олны танил болж амжсан Кардашиан-Женнерийнхэн гэж айл бий.
Ээж Крис Женнер нь хоёр ч нөхөртэй байсан бөгөөд эхний нөхөр нь хорвоогоос хальж хоёр дахь нөхөр нь хүйсээ солиулсан адармаатай тавилантай.
Түүний том охин Кортни Кардашиан хамгийн хэл ам багатай даруухан амьдардаг бол удаах охин олноо селфины хатан хаан хэмээгддэг Ким Кардашиан. Түүний дараах бүсгүйг Хлоя Кардашиан гэх. Крис Женнерийн ганц хүү Роб Кардашиан мөн л олны танил Блак Чайна хэмээх бүсгүйтэй дэр нэгтгэж анхны хүүхдээ хүлээж буй. Хувийн амьдрал нь олны нүдэн дээр буюу одоо ч реалити шоугаар олонд хүрч буй тэдний тухай элдвээр ярих нь бий.
Шоуны энэ удаагийн дугаарт Хлоя Кардашиан дүү Роб Кардашианыг жудаггүй, тун муу эр нөхөр хэмээн дүгнэж, эхнэрээ жирэмсэн байхад нь орхин явж, утсаар ч болтугай ярихгүй байгааг нь буруушаажээ.
Роб Блак Чайна нар сүүлийн үед харилцаа тааруухан байгаа хийгээд хамгийн сүүлд ширүүхэн маргаад авсан байдаг. Энэ маргааны дараагаас Роб эхнэртэйгээ харилцахаа больж, эгч дүүс ээжийнхээ утасны дугаарыг хүртэл блок хийжээ. Түүний энэ үйлдлийг эгч нар нь ихэд зэмлэнгүй байгаа гэнэ.
И.МӨНХЦЭНГЭЛ
Эх сурвалж: www.zone.mn