Чэпмэны их сургуулийн эрдэмтэд эмэгтэйчүүд туранхай бус, харин мариалаг эрчүүдийг илүүд үздэг хэмээн мэдэгдэв. Энэ нь байгалийн зүй тогтол гэнэ. Эрэгтэй хамтрагчийнх нь бие илүүдэл жинтэй байвал тэр хүн хэзээд эмэгтэйгээ хамгаалах чадвартай гэсэн бодлыг төрүүлдэг аж. Мөн хүүхнүүд тарган эрчүүдийг илүү найдвартай хэмээн дүгнэж, тэдэнд хамаг юмаа даатгах боломжтой хэмээдэг байна.
Эрдэмтдийн явуулсан судалгаанд хэдэн арван мянган хүн оролцжээ. Тэгтэл хүүхнүүдийн дийлэнх нь туранхай эрчүүдэд дургүй гэдэг нь тодорхой болов. Туранхай эрчүүд эрэлхэг зоригтой байж чадахгүй гэсэн үзэл ноёрхдог аж.
Гэхдээ энд бас нэг зүйл бий. Бүсгүйчүүд үл ялиг мариалаг эрчүүдийг сонирхдог гэнэ. Харин гэдэс нь ялхайтлаа унжсан эрчүүд тэдний сонирхлыг татдаггүй байна. Эх сурвалж www.wikimon.mn
