Өдгөө хоёр дахь хүүхдээ хэвлийдээ тээж буй жүжигчин Мила Кунис ажлын байран дээрх хүйсийн ялгавартай байдлын тухай өөрийн үзэл бодлыг тусгасан эссэ бичжээ.
Эштон Катчерын “A Plus “ вебсайтад тавьсан түүний эссэнд Холливуудын жүжигчин ч бай хамаагүй эмэгтэй хүмүүс ажиллаж буй тухайн орчиндоо хүйсийн тэгш бус хандлагыг маш ихээр мэдэрч, найруулагч продьюсерийн зүгээс ихээхэн дарамт шахалтанд байдаг гэдгийг нуулгүй бичсэн байна.
“Чи ахиж энэ салбарт хэзээ ч ажиллахгүй шүү”. Энэ бол Мила Кунисыг тоглосон киноныхоо сурталчилгаанд зориулж эрэгтэйчүүдийн сэтгүүлд нүцгэн зургаа авахуулахыг шаардсан продьюсерийн түүнд хэлсэн үг. Мэдээж Мила эрс татгалзсан учир ажил мэргэжилтэй нь холбож бүсгүйг сүрдүүлсэн хэрэг.
Түүнчлэн Мила Кунис Эштон Катчер нарыг хуримлах тухай сонссон салбартаа мундагт тооцогдсон нэгэн найруулагч түүнд хаяглаж ийм мэйл илгээжээ. Илгээсэн цахим шуудангийн гол утга нь , жүжигчин Мила Кунис чи Холливуудын алдартай жүжигчин Эштон Катчертай гэрлэж байгаа болохоор олонд танигдлаа гэжээ.
Энэ бүх үнэнийг дэлгэсэн жүжигчин бүсгүй ажлын байр, ажлын орчин дахь хүйсийн тэгш бус хандлагыг өөрчлөхөд дуу хоолойгоо нийлүүлж байгаа боловч энэ бүх асуудлууд өргөс авахын дайтай шийдвэрлэгдэхгүй, миний охины үед ч байсаар л байх болно хэмээн харамсан бичжээ. Түннчлэн хосууд үр хүүхдээ Холливуудын хатуу ширүүн үнэн төрхөөс холхон байлгахыг хүсдэг гэнэ.
И.МӨНХЦЭНГЭЛ
Эх сурвалж: www.zone.mn
