Уэстийн гэр бүлд дөрвөн жил үнэнчээр зүтгэсэн бие хамгаалагч Пасгал Дувиер ажлаасаа халагджээ. Дэлхийн алдартай хамтлаг дуучид, жүжигчдийн бие хамгаалагч хийж байсан Паскал өнгөрсөн сард Парист болсон дээрмийн хэрэгт сэжиглэгдэж байсан билээ.
Тухайн өдөр үүрэг гүйцэтгэж байсан Паскал Кимийн эгч дүү хоёрыг хамгаалан шөнийн клубт байх хойгуур түүний эзэн хатагтайг баг өмссөн буутай таван этгээд дээрэмдэж 10 саяын үнэд хүрэх үнэт эдлэл, хоёр гар утсыг нь дээрэмдэн авч явсан байдаг.
Энэ хэрэгт хамгийн ихээр хамгаалалтын алба тэр тусмаа Паскалыг сэжиглэж байсан боловч Уэстийн гэр бүл түүнийг буруугүй гэж үзэж байсан нь саяхан.
Гэвч гэрийн эзэн Канье эхнэрийнхээ аюулгүй байдалд санаа зовнин хамгаалалтын албыг бүрэн шинэчилж байгаа аж. Түүний гэргий Кардашиан дээрмийн дараа Нью Йорк дахь гэртээ ирсэн хойноо гэрийнхээ гадаа олон тооны хамгаалалтын ажилтанг гаргаж эгээтэй л элчин сайд, ерөнхийлөгч шиг харагдаж билээ.
И.МӨНХЦЭНГЭЛ
Эх сурвалж: www.zone.mn
