Шилдэг загвар өмсөгч Миранда Керр хуучин нөхөр жүжигчин Орландо Блумээс салсныхаа дараа сэтгэл санааны гүн хямралд орсон тухайгаа “Elle Canada” сэтгүүлд өгсөн ярилцлагандаа хэлсэн юм. Тус сэтгүүлийн ирэх сарын дугаараар Миранда Керрийг онцолжээ.
Жүжигчин Орландо Блум, Миранда Керр нар гурван жилийн өмнө салсан бөгөөд Флинн хүү нь өдгөө таван настай.
Өөрийгөө төрөлхийн өөдрөг сэтгэлтэй хэмээн тодотгосон Мирандад нөхрөөсөө салсан тэр үе маш хүнд туссан аж. Миранда Керр үргэлж л инээж байдаг, бүр зүүдэндээ хүртэл инээдэг болохоор ээж нь түүнийг “инээдэг Герт” хэмээн хочилсон гэнэ. Гэвч хамтдаа насыг барна хэмээн тангараг өргөсөн нөхрөөсөө салсан тэр хүндхэн цаг үеийг туулахын тулд өөрийгөө завгүй байлгахаар хичээжээ. Иогаар хичээллэж, өдөрт хоёр удаа бясалгаж, идэвхитэй дасгал хөдөлгөөн хийгээд олон төрлийн эрүүл хоолыг эрхэмлэж өөртөө зав өгдөггүй байсан тухайгаа ярьсан юм.
Тэрбээр өдөр бүр өөрт заяасан амьдрал, гэр бүл, газар дээрх ганц хүүгээ эрүүл саруул байгаад нь бурханд талархдаг гэнэ лээ.
33 настай Миранда Керр өнгөрөгч зун Snapchat CEO Эван Спийгелтэй сүй тавьсан бол түүний хуучин нөхөр Орландо Блум дуучин Кэти Перритэй болзож байгаа билээ.
И.МӨНХЦЭНГЭЛ
Эх сурвалж: www.zone.mn