Охид бүсгүйчүүдийг гайхалтай уян налархай, басхүү секси хөдөлгөөнтэй болоход нь тусалж явсан бүжигчин Н.Баярмаа өдгөө гурав дахь хүүхдээ төрүүлэхээр зэхэж сууна. “Belly dance” төвийн тэргүүн, жүжигчин мэргэжилтэй тэрбээр нэгэн үе Зайсангийн тансаг хауст тухлан, баячуудын эхнэрт бүжгийн хичээл зааж явсан адтай бүсгүй. Хэвлэлд өгсөн илэн далангүй ярилцлагаасаа болоод “Секс машин” хоч зүүсэн Н.Баярмаа “Smile” салоны үсчин Д.Ганцоожтой ханилаад овоо томоожсон гэлцдэг.
Олны танил алдартнуудын үйлчлүүлэх дуртай чадварлаг үсчин гэгддэг Д.Ганцоож бүжигчин бүсгүйд сайн аав гэдгээ нотолж чадсан уу, яасан. Жил дараалан нярайлж, хоёр хөөрхөн охины ээж болоод байгаа Н.Баярмаа дахин хөл хүндтэй яваагаа олонд дуулгалаа. Өдгөө хоёр сартай жирэмсэн гэдгээ илэрхийлсэн тэрбээр “Оддын үсчин” нөхөртөө удам залгах хүүг нь төрүүлж өгөхөөр их л чармайж байгаа бололтой.
Өнгөрсөн долдугаар сарын 11-нд нярайлж, хоёр дахь гүнжээ өлгийдөж авсан “Монгол Шакира” маань ийнхүү өнөр бүлийн эзэгтэй болох нь ээ. Хамгийн гол нь, нярайлаад удаагүй нялх биетэй байж дахин хөл хүндтэй болсон түүний хувьд, эрүүл мэнддээ чамгүй анхаарах хэрэгтэй гэдэг нь ойлгомжтой биз. Ойролцоо насны олон хөөрхөн үрстэй болохыг хүссэн олны танил хосууд хэсэгтээ л “цэцэрлэгийн багш” хийнэ гэсэн шүү.
С.Цахиур
