Жинхэнэ хайр дурлалтайгаа учраад жингүйдсэн юм шиг амьдрахыг бүсгүй хүн бүр хүсдэг. Гэвч бүгд тэр сайхныг мэдэрч, тэгтлээ догдолдоггүй нь харамсалтай. Биеийнхээ хагас болох хайрт хүнээ хаанаас хэрхэн хайж олох вэ. Энэ асуултад социологчид ийн хариулжээ. Тэд хэд хэдэн улс оронд цөөнгүй жил судалгаа явуулсны дүнд дараахь таван аргыг танд зөвлөхөөр бэлджээ.
1. Найзынхаа найз нараас хай
Найзынхаа найз нартай нүүр тулж уулзахыг эрхэмлэ. Магадгүй та тэдгээр шинэ танилуудаасаа хайраа олж болох юм.
2. “За” гэж аль болох олон хэл
Элдэв саналд аль болох “за” гэж олон хэлэхийг хичээ. Жишээлбэл, таныг төрсөн өдрийн үдэшлэгт юм уу ямар нэгэн семинарт уривал эргэлзэлгүй зөвшөөрч бай.
3. Найз бүсгүйчүүдийнхээ хүрээг аль болох сайн тэл. Олон эмэгтэйтэй танил байна гэдэг олон эрчүүдтэй танил болохын эхлэл. Тэдэн дунд хэн ч байх юм билээ.
4. Цайны цагаар анзааргатай бай
Биеийнхээ нөгөө хэсгийг олохын тулд цайны цагаар ресторанд ороход гэмгүй. Ихэнх ажилдаа дарагдсан эрчүүд цайны цагаараа л ийш тийш харж, эр хүнийхээ мэдрэмжийг олдгийг ойлгоорой.
5. Спортоор хичээллэ
Спорт таны бие галбирыг сайхан байлгахад тун их тус болно. Мөн фитнесс клубт явна гэдэг гайгүй залуустай дажгүй танилцчих боломжийг нээж өгнө.
Р.Гэгээ