Америкийн алдарт кино жүжигчин Мэрилин Монрогийн өмсөж байсан даашинз дуудлага худалдаагаар түүхэн дээд үнээр борлуулагджээ. М.Монро энэ даашинзыг Ерөнхийлөгч Ж.Ф.Кеннеди-д төрсөн өдрийн дуу дуулж өгөхдөө ганцхан удаа өмсөж байжээ.
Бие барьсан загвартай энэ даашинз нь 4.81 сая долларын үнэд хүрсэн гэнэ. Дэлхийн түүхэнд нэг даашинз ийм өндөр үнээр борлуулагдаж байсан тохиолдол үүнээс өөр байхгүй аж. Загвар зохион бүтээгч Жан Луигийн урласан энэ даашинз нь 2500 ширхэг болор шигтгээтэй аж.
1962 оны тавдугаар сард Ж.Ф.Кеннеди-д төрсөн өдрөөр нь дуу дуулж өгснөөсөө хойш М.Монро гурван сар хүрэхгүй хугацааны дараа учир битүүлгээр хорвоог орхиж байжээ.
МОНЦАМЭ
