“Хэцүү анги” киноны Сувдаагийн дүрээр үзэгч олны танил болсон Э.Уянга сэтгүүлч мэргэжил эзэмшин өдгөө “UBS” телевизийн хөтлөгчөөр ажиллаж яваа. Ихэвчлэн хөгжмийн нэвтрүүлэгч хөтөлж, томоохон арга хэмжээнд нүүр тахлах болсон тэрбээр өнгөрсөн хугацаанд нэлээд хэдэн киноны гол дүрд тоглоод амжсан адтай бүсгүй.
Телевизийнхээ сайхан залуучуудын нэгд зүй ёсоор багтдаг хөтлөгч Ц.Чойжилсүрэнтэй үерхэж, хайрын баяраар сүйн бөгж бэлгэнд авч байсан тэрбээр анхны амьдралаа Австрали улсад эхлүүлэхээр оролдсон ч бүтээгүй гэдэг. Манайдаа л од болон гялалзсан авьяаслаг дуучинтай хамтран дуулж, хайртай бүсгүйдээ гэрлэх санал тавьж байсан хөтлөгч Ц.Чойжилсүрэн нэг л өдөр түүнээс нүүр буруулан оджээ.
Хайр сэтгэл нь бүтэлгүйтсэн ч, урьдын адил эрч хүчтэй яваа Э.Уянга хэдхэн сарын өмнө шинэ найз залуугаа танилцуулаад авсан. Бие давхар болсноосоо хойш хайрттайгаа хамт амьдарч байгаа түүний хувьд өглөө дэрэн дороосоо сүйн бөгж олж, гэрлэх санал бүхий бяцхан зурвасыг хүлээж авчээ. Хэдхэн сарын дараа ээж болохоор зэхэж буй хөтлөгч бүсгүй ийнхүү ядам хуруундаа бэлзэг хэлхэн янзын сайхан өглөөг баяртайгаар угтсан гэнэ шүү.
С.Цахиур
