Жүжигчин Жонни Депп одоогоор албан ёсны эхнэр нь хэвээр байгаа Эмбер Хёрдод нэг удаагийн мөнгөн тэтгэмж өгөхгүй хэмээн гүрийж суугаа гэнэ. Гэрээ ёсоор бол жүжигчин бүсгүй Жоннигийн өөрт нь учруулсан хор хохирлын талаар дахин хэвлэлээр ярихгүй гэсэн амлалтыг авчээ. Эмбер Жонни өөрт нь гар хүрдэг байсан хэмээн мэдэгдэж байсан юм.
Тэгвэл хэд хоногийн өмнө цахим сүлжээнд гэр бүлийн хүчирхийллийн эсрэг нэгэн нийгмийн шинжтэй сурталчилгааны бичлэг тавигдсан бөгөөд түүн дотор Эмбер өөрийн гунигт амьдралын талаар ярьсан аж. Гэхдээ Хёрд тэр үеэр Деппын нэрийг хэлээгүй байна. Ингэснээр жүжигчин бүсгүй гэрээний заалтыг зөрчөөгүй хэмээн өмгөөлөгчид нь өгүүлэв. Тийм учраас Жонни үлдсэн бичиг баримтуудад гарын үсэг зурж, Эмбер бүсгүйн данс руу долоон сая доллар шилжүүлэх ёстой гэж тэд мэдэгджээ. Эх сурвалж www.wikimon.mn
