Хувцас загвар судлаач, имиж макер Jill Martin бүсгүй хүний хувцасны шүүгээнд заавал байх ёстой, ямар ч үед таны нүүрийг тахлах 10 эдлэлийг тoдорхойлсноос таны шүүгээнд хэд нь байгааг шалгаад үзээрэй.
1. Mини хар даашинз
Маш энгийн атлаа ямар ч үед өмсчихөөр, таны биеийг зөв гэрэлд, зөв өнцгөөс нь гайхалтай сайхан харагдуулж чаддаг богино хар даашинз. Хүлээн авалтанд явах гэж байгаа бол дээр нь үнэт эдлэлүүдээс хайнгaхaн зүүхэд л хангалттай. Харин ажил хэргийн уулзалт дээр гарт таарсан пиджакаа углаад л гүйгээд гарахад та итгэл даагч эмэгтэйн дүрд хувирна.
2. Хар пиджак
Хэдий та оффисын ажил эрхэлдэггуй байсан ч хар пиджак таны хувцасны шүүгээнд заавал өлгөөтэй байх ёстой.
3. Сонгодог өмд
Өнгө, загварт анхаарлаа хандуулахаас өмнө уян хатан мэдрэмжтэй, ур чадвартай эсгүүрчний бүр нэг мэргэжлийн эсгэсэн, таныг төгс харагдуулж чадах хэлбэртэйг нь сонгоорой. Магадгүй, одоо моодонд орж байгaa богино суудалтайг бодвол арай эршүүд загвар танд зохиж болох юм.
4. Цайвар шаргал цув
Лондоны язгууртнууд Вurbеггу-гийн гарын үсэг болсон цайвар өнгийн цуваар 1900 оноос хойш гангарах болсноос хойш нүдтэй бүхэн хошуурч, дэлхийн загварын ертөнцийг сонирхогчид “Энэ бол дахин давтагдашгүй төгс бүтээл” гэж дуу нэгтэй хүлээн зөвшөөрсөн юм. Цайвар шаргал өнгийн, өвдөг шүргэх төдий урттай, сонгодог захыг томсгож xийсэн зөрдөг энгэр бүхий цувыг та цуглуулгадаа нэмж, амьдарч буй цаг үеийнхээ загварын домгийн гэрч болоорой.
5.Том хар цүнх
Бүсгүй хүнд хэрэгтэй бүхэн, дээрээс нь нэмээд бичиг баримтаа, байнга уншдаг сэтгүүлээ эсвэл номоо, тэр ч бүү хэл шуналтаад овоо мөнгө төлөөд авсан даашинзаа эвхэж хийгээд гэрийнхэндээ мэдэгдэлгүй шүүгээ рүүгээ шидчихээр тийм л багтаамжтай, тоног чимэглэл багатай хар өнгийн арьсан цүнх байхад танд сайн найзаас ч илүү хэрэг болно шүү.
6. Сэтгэл татам жийнс
Ажилчдын хувцаснаас хамгийн дур татам сэтгэл өдөөгч хувцас болтлоо хувирсан жийнсгүйгээр та өөрийнхөө шүүгээг төсөөлж чадах уу.
7. Өндөр өсгийт
Диваажинд хүрэх шат мэт өндөр өсгийт бүсгүйн шилбийг гоолигхон харагдуулж, гунхаа алхааг нь улам эмэгтэйлэг болгодог ид шидтэний бүтээл юм.
8. Гоёл чимэглэл
Та үүнд хамаг мөнгөө үрэх шаардлагагүй. Үнэт чулуун хослолоос эхлээд гоёмсог хийцтэй шармал эдлэл алийг ч сонгох эрх танд бий. Гол нь, өмссөн хувцсыг тань цогц харагдуулж, гоёмсог төрхийг нэмж өгч чадахаар байхыг анхаараарай. Чамин гоё ээмгийг энгэрийн зүүлттэй хослуулах гэж яарахын оронд өнгө маяг дагуу бугуйвч сонговол зөв сонголт ч болж мэднэ.
9. Харандаан бошинз
Шулуун эсгүүртэй, бие барьсан, өвдөгний дээгүүр урттай харандаан бошинз таны шүүгээнд байна уу. Европын хувцасны ертөнцөд анх үүсч бий болоод 1950-аад оны гангачуулын гангараа, бүсгүй хүнийг эмэгтэйлэг харагдуулдаг гол зэвсгийн нэг болсоор өдий хүртэл оршсоор л байна.
10. Балетын гутал
Ballet pumps гэж нэрлэгддэг намхан, үргэлж ултай, хөлд эвтэйхэн энэ эд таны гутлын шүүгээнд байхад та жийнс, богино шорт, даашинз, бүсгүй хүний үнэнч анд мини бошинз гээд бүхий л хувцасны дор углаад хар эрчээрээ хаашаа ч гүйж чадна.
