“Тарагтай боов” нэвтрүүлгээрээ дамжуулан олны танил эрчүүдийг өвөртөө “оруулдаг” болсон дуучин А.Хишигдалай цагийг тун ч зугаатай өнгөрүүлж буй нь мэдээж. Царайлаг, авьяаслаг бүсгүйд хайр зарласан эрчүүдийн тоо өдрөөс өдөрт нэмэгдэж, халуухан яриаг нь шимтэн сонсох болсноос ч тэр үү. Түүний цахим хуудсанд танилцах хүсэлт, болзох санал ирүүлсэн элдэв янзын залуусаас дуучин бүсгүй сүүлдээ бүр залхаж гүйцсэн бололтой.
Эхнээс нь зарим нэг хүмүүсийн хувийн хүсэлтийг олонд ил болгож, үл таних хэн нэгэнд зүгээр ч нэг доромжлуулж суухгүй гэдгээ харуулав. “Ганц бие залуу” хэмээн өөрийгөө их л чухал тодотгосон нэгэн эрийн танилцах хүсэлтийн хариуд цэг ч тавиагүй дуучин А.Хишигдалай эцэст нь “Тэнэг хүүхэн” нэр зүүгээд хоцорчээ.
Энэ мэт элдвийн үйл явдал өдөр бүр өрнөж байгааг нуугаагүй дуучин бүсгүй маань нэгэн фэн залуугаасаа энэхүү бэлгийг авсан гэнэ шүү. Өөрийнх нь зургийг өнгө ялган амилуулсан өвөрмөц бэлгэнд сэтгэл хангалуун байгаагаа илэрхийлсэн А.Хишигдалай “Өнөөдөр ямар гоё бэлэг авав аа. Нэрээ бичээгүй явуулсан маш их хүнд нь баярлалаа” хэмээн олонд дэлгэсэн байна.