АНУ-ын Аризона мужийн нэгэн бүсгүй хар тамхинд донтсон үеийнхээ болон хорт зуршлаа таягдан хаясны дараахь зургуудаа харьцуулан нийтэлжээ.
Дейа Холл 17 наснаасаа өвчин намдаах эм хэрэглэж эхэлсэн бөгөөд удалгүй метамфетамин болон героин зэрэг хүчтэй мансууруулах бодис, хар тамхины донтон болж хувирсан байна.
26 настай Холл дөрвөн жилийн өмнө хорт зуршлаа орхиж чадсан бөгөөд энэхүү баяраа тэмдэглэх, бусдад сургамж болгох зорилгоор таван жилийн өмнөх гэрэл зураг болон хэдхэн хоногийн өмнө хийсэн өөрөг зургаа харьцуулан Фэйсбүүк хуудсандаа оруулжээ.
Зургийнхаа дор сэтгэлийн тэнхээтэй бүсгүй мансуурсан үедээ цагдаа нарт баригдан хэд хоног “хар гэр”-т хоригдож байхдаа хорт зуршлаа эгнэгт хаяхаар шийдсэн гэдгээ бичсэн байнa.
