“Хэт хуурай арьстай хүмүүс үүнийг хэрэглэх юм бол бүр ч дэмий”
Өглөө сэрээд л өдөржин үзэсгэлэнтэй төрхөө алдахгүй байх боломж бидэнд хангалттай байдаг ажээ. Гэвч тэр бүхнийг бид анзаарахгүй явсаар орой гэртээ харих болохдоо л толио гаргаж нэг нүүрээ хардаг байж мэдэх юм. Цүнхэн дотор байнга явдаг үнэнч туслах болсон толиныхоо тухай мартсан бүсгүйчдүүддээ дараахь зөвлөгөөг хүргэж байна.Суурь хамгийн чухал
Нью-Йоркт төвтэй гоо сайханч, үс засалч Гиги Шэйкр “Ер нь хүүхнүүд будагны сууриндаа олигтой анхаарал хандуулдаггүй. Гэтэл энэ чинь будаж буй нүүр будалтын хамгийн гол зүйл болдог. Сууриа муу тавьбал нүүр будалт тэгээд л унаж байгаа юм” хэмээн хэмжээ. “Хурим, ёслолд оролцохоор болбол будалтынхаа сууриа зөв тавьсан эмэгтэй жаахан өө дарагч нэмж түрхээд, нүд хөмсгөө тодруулчихвал болоод л явчихдаг” гэж тэрээр хэлж байгаа юм.
Чийгшүүлэгч, дахиад чийгшүүлэгч
Та чийгшүүлэгч гэхээр нэг их тоохгүй байна уу даа, бүсгүй минь. Яагаад дэлхийн одод чийгшүүлэгч гэхээр амиа тавьчих шахам авч, цүнх нь хэдэн янзын бүтээгдэхүүнээр “хахаж” явдагт учир бий. Хамгийн түрүүнд чийгшүүлэгч хэрэглэснээр үрчлээ, нөсөөнөөс хамгаалж, арьсаа ямагт гялалзсан, зөөлөн, торгомсог, булбарай хэвээр нь хадгалах хамгийн том давуу тал бий болдог юм. Тиймээс яг одоо чийгшүүлэгчээ цүнхлээд аваарай.
Уруулаа “инээлгэ”
Өвөл цаг ойртож байгаа энэ үед урууландаа онцгой анхаарал хандуулахыг Шэйкр бас сануулж байгаа юм. Тэрээр “Ядаж урууландаа тосон түрхлэг түргэж болдоггүй юм бол өнгөлж байхаа битгий мартаарай” гэж бас зөвлөж байна. Учир нь түүний тайлбарласнаар уруул нүүрний өнгө төрхийг тодорхойлогч гол зүйл юм. Хатсан, хагарсан уруул мэдээж олигтой дүр төрх бүтээхгүй нь лав.
Арьсаа гуужуул
Бидний арьсан дээр маш олон тооны үхэжсэн арьс хаягдал болон тээвэрлэгдсээр байдаг гэж олон хүн үздэг. Тэр нь эцэстээ цагаан батга болох, арьс хуурайшуулах, үрчлээ бий болох үндэс гэж бас ярьдаг. Тэгвэл бодит байдал дээр мэргэжилтнүүд үүнийг өөрөөр тайлбарлаж байна.
Гуужуулагчийг хэрэглэхдээ сонголтоо зөв хийх ёстойг Нью-Йорк дахь гоо сайхны бүтээгдэхүүний судлаач, доктор Секал Шо хэлж байна. “Өөрт тохироогүй гуужуулагч хэрэглэснээс хохирсон олон хүн надад хандаж байсан” хэмээн тэрээр хэлжээ. “Хэт хуурай арьстай хүмүүс үүнийг хэрэглэх юм бол бүр ч дэмий” гэж тэр ярьж байна.
Ялангуяа, холимог арьстай, эсвэл батгатай арьсанд чийгшүүлэгч хэрэглэвэл арьсыг хэт хуурайшуулж эмзэгшүүлэх эрсдэлтэй аж. Иймд үнэхээр скраб хэрэглэхийг хүсч буй бол зөөлөн төрлийнхийг нь сонгож долоо хоногт нэг удаа л хэрэглэхийг зөвлөж байна.
