Рианнад хуучин амраг Дрэйк, Женнифер Лопез нарын болзож эхэлсэн нь таатай санагдаагүй нь мэдээж.
Өнгөрөгч баярын өдрөөр Рианна инстаграмд Жэй Лог блоклож орхижээ. 30 настай рэппер Дрэйк, 47-той Жэй Логийн Лас Вегас дахь тоглолтын дараах үдэшлэгнээс эхлэн дотноссон байна.
Харин Рианна Зул сарын баярыг төрөлх Барбадос улсдаа гэр бүл, найз нөхдийнхөө хүрээнд тэмдэглэсэн өнгөрүүлжээ. 28 настай тэрээр Жэй Логоос 19 насны зөрүүтэй ч тэд удаан хугацаанд нөхөрлөсөн юм.
Энэ оны эхээр Рианна өөрийн цуглуулганаас Маноло Блэникийн цэнхэр туфлиэ Жэй Лод бэлэглэж байсан аж. Бэлгээ “Ганган минь чи надаас гоё хувцаслах ёстой шүү” гэсэн гараар бичсэн зурвасын хамт илгээжээ.
Жэй Лод туфль тун ч их таалагдсан бөгөөд “Ain’t Your Mama” дууны клипний зураг авалтын үеэр өмссөн билээ.
