Та бүхэнд өөрийнхөө амьдралыг хуваалцахад нэг л сайхан санагдлаа. Би өөр хэнд ч энэ тухайгаа ярьж чадахгүй байсан юмаа.Намайг сайн ойлгоод гүн туслалцаа өгнө гэдэгт итгэж байна. Би одоо 34 настай 3 хүүхдийн эх. манай нөхөр уг нь халамж хайраар биднийг огт дутаадаггүй маш сайн нөхөр байлаа. Сүүлийн 1 жил нэг л биш болсон. Тэгээд л бөөн юм болно доо хэрэлдээд, хэдэн сар салаад л, нийлээд л. Би зүгээр л биднийг орхи гэдэг юм. Нэг өдөр бүүр салах дээр тулаад байтал тэр өөрөө огт салахгүй 3 хүүхэддээ хайртай 2-лаа 3 хүүхдээ бодъё гээд гуйгаад ахиж энэ тэр асуудал гаргахгүй гээд л ам тангараг өгөөд байхаар нь за яахав гээд салахаа болилоо. Гэтэл тэр бас л нэг биш ээ. Утсаар хэн нэгтэй яриж байнаа. Утсаа нууж муугаад л.
Тэгэхээр нь яахав би дахиад л эхэллээ бөөн хэрүүл маргаан. чи яг ямар хүүхэнтэй явалдаад байгаа хэл гэж маш их шаардсаны эцэст тэр хэнтэй явалддагаа хэлсэн. Хэнтэй гэж сананаааааа! Манай төрсөн дүүгийн эхнэр байвал яах вэ? Манай дүү солонгос яваад 4 жил болж байгаа. Тэгтэл мань 2 араар нь амжуулж байвал яах вэ? Аймшиг. Тэгээд хэр их удаж байгаа вэ гэхэд 3 жил болж байна гэвэл яах вэ? Би тэнэг хүүхэн байна уу бүхэл бүтэн 3 жил гээд бод доо.
Тэгээд би тэр 2-той хамтад нь уулзаад за та 2 одоо шийдээ хэл, та 2 хамт амьдрах уу, цаашид яах вэ? , би та2-т зам тавьж өгье гэхэд үгүй гэх юм. Тус тусдаа амьдралтай юм чинь ингээд чимээгүй өнгөрүүлээч бид дахин уулзахгүй та дүүдээ намайг битгий хэлээч манай хүүг минь бодооч, би ахиж нэг ч удаа танай нөхөрийг харахгүй, холбоогоо таслана . . гэж манай бэр надаас маш их гуйж, уйлж дуулж гүйсан. Манай нөхөр ч бас би 3 хүүхэддээ хайртай шүү дээ хань минь амьдралдаа 1 удаа намайгаа уучлаач гэж бас надаас гуйсан.
Би хэдэн өдөр гүн шоок гэдэг юманд орж маш гутарсан.
Ингээд би чинь гуйлт биелүүлдэг сайхан сэтгэлтэй эмэгтэй болж аль алиныг нь хэнд ч хэлэлгүй 10 сар тэсч нөхөртэйгээ хамтдаа гэр бүлээрээ амьдарлаа.
Тэгтэл энэ хооронд бас л нөгөө бэр хүүхэн маань нөхөр рүү минь хүнээр захиа занаа өгөөд, жирэмсэн болсон энэ тэр гээд,мөнгө цаас нэхээд л, надтай утсаар хэд хэд хэрэлдээд л байлаа. Энэ бүхнийгээ нөхөр маань надад тухайн үедээ хэлээд бид 2 хоорондоо ярилцаад л өнгөрдөг байлаа .
Сүүлдээ ч би бараг мартчихажээ холбоо сүлбээгээ бүрэн тасалсан байх л гэж боддог байлаа.
Иймэрхүү байдалтай байсаар саяхан би нөхрөөсөө нөгөө хүүхнээс чинь сурагтай юу гэж санаандгүй асуутал хааяа мессеж бичээд, утсаар залгаад байна лээ гэх юм.
Энэ яг юу гэсэн үг вэ?
Би бас л бачимдаж уурлаж дэлбэрч эхэллээ. Уулзахгүй ч гэсэн утсаар ярина гэдэг надад аймшигтай санагдаж байнааа. Одоо нөхрийгөө юу ч ярьж байсан би нэг л итгэхгүй худлаа даа гэж бодох боллоо.
Тэгтэл манай хүн уулзахгүй ээ. Зүгээр л мэнд асууж байна лээ гэж огт хэнэггүй хэлэх юм.
Би ч одоо үүнээс илүү тэсч, итгэж чадахгүй нь ээ.
Гэтэл нөгөөх 3 хүүхэд маань хэцүү санагдах юм.
Би өөрийгөө бодоод сэтгэл амар амьдралыг хүсвэл 3 хүүхдээ аваад салах уу, би яахав хүүхдүүд минь эцэгтэйгээ байсан нь дээр гэж бодоод тэсээд л байх уу?
Танд иймэрхүү юм тулгарсан бол яах вэ?
Надад саналаа хэлээч хүмүүсээ.. .
Гол нь манай хүн хүүхдүүддээ маш их хайртай. . .
