Компьютер сөрөг нөлөө ба нүүр царай

12235088_1097340933609262_2844020764921329122_nКомпьютер нь бидний сайн мэдэх сөрөг талуудаас гадна нүүрний арьсанд муугаар нөлөөлдгийг хүн болгон мэдэх болжээ. Тэгвэл мэргэжилтнүүд компьютерийн ийнхүү сөрөг нөлөөллөөс хамгаалах дараах зөвлөгөөг өгч байна.

Улаан лооль компьютерийн эсрэг 
Арьс өнгөний эмч нар компьютерийн туяа нь арьсны гүнд нэвтэрч эд эсийн бүтцийг алдагдуулдаг гэдэг дээр санал нэгдэж байна. Ялангуяа хуурай арьс нь улам бүр хуурайшиж толигор уян хатан байдлаа алддаг. Компьютерийн “довтолгоо” нь эцэстээ арьсны эрт хөгшрөлт, үрчлээжилтэд хүргэдэг байна. Саяхан Германы эрдэмтэд улаан лооль болон байцаа нь арьсыг компьютерийн хорт нөлөөнөөс хамгаалах чадвартайг тогтоожээ. Эдгээр ногоог өдөрт 500-700 гр идээд байхад л үр дүнгээ өгдөг гэнэ. Мөн Голландын эрдэмтэд компьютер дээр ажилласны дараа давс эсвэл шилмүүсний уусмалыг алчуурт шингээж жин тавьж байхыг зөвлөжээ.

Жимс ба гоо сайхан 
Нүүрний арьсаа гаднаас нь бус дотроос нь хамгаалах аргуудыг Хятадын эмч нар санал болгожээ. Тухайлбал компьютер дээр ажилласан цаг хагас тутамд нимбэгний шүүстэй ус хэдэн балгыг ууж байхыг зөвлөж байна. Мөн өдөрт 300 гр-аас багагүй ногоон цай ууж байх нь хорт туяаны нөлөөллийг саармагжуулна. Үүнээс гадна нүүрээ алимны хэрчим эсвэл хөлдөөсөн жимсний шүүсээр арчих нь үр дүнтэй ажээ.

Туяаны оронд хүчилтөрөгч 
Японы мэргэжилтнүүд компьютерийн хажууд кактус тавих нь туяаны 50-аас доошгүй хувийг өөртөө шингээдэг болохыг аль эрт тогтоосон. Тэгвэл Японы эмч нар энэ чиглэлийн судалгааг үргэлжлүүлж кактус нь сөрөг энергийг шингээж авахаас гадна агааржуулалтын эргэлтэд орж хуурайшсан тасалгааны агаарыг хүчилтөрөгчөөр маш сайн баяжуулан хувиргадаг болохыг саяхан тогтоосон байна.

Чийгшүүлэлтийн ач тус 
Нүүрний арьсаа чийгшүүлж байх нь туяанаас хамгаалах хамгийн сайн арга гэж Канадын гоо сайханчид үзжээ. Пудр түрхээгүй нүүрэндээ ундны эрдэст усыг шүрших эсвэл сальфетканд шингээж арчина. Нүүрэндээ энгэсэгтэй үед чийгшүүлэлтийн өндөр үзүүлэлттэй шингэн усыг /Spray/ ашиглах бөгөөд энэ нь нүүрний зохих чийгшилтийг хангахаас гадна энгэсгийг бэхжүүлж өнгийг нь тодотгож өгдөг байна.

Усны оронд талх 
Компьютерийн ажил “буцалж” байдаг газар агааржуулагч, сэнс заавал байх, ядаж л салхивч байнга нээгдэж байх ёстой гэдэгтэй дэлхийн улс орны эрдэмтэд санал нэгдэж байдаг. Үүн дээр тасалгаанд чийгтэй цэвэрлэгээ байнга хийх шаардлагатай гэнэ. Учир нь компьютер тоосыг эрчимтэй татдаг бөгөөд хүний нүүрэн дээр энэ тоос хуримтлагддаг байна.

Ялангуяа компьютер дээр ажилладаг эмэгтэйчүүд нүүрээ маш сайн чийгшүүлж байх хэрэгтэй. Үүний тулд өдөр тутам бүх улиралд чийгшүүлэгч болон энгэсэгний дээр хамгаалалтын крем хэрэглэж заншвал сайн. Мөн Литвийн эмч нар долоо хоногийн ядаж нэг өдөр компьютер дээр ажиллахгүй байхыг зөвлөж байна. Үүнээс гадна нүүрний арьсаа чийгшүүлэхийн тулд хөх тарианы талхыг халуун усанд дэвтээж шүүсээр нь нүүрээ угаах маш сайн байдаг гэнэ.


Компьютер сөрөг нөлөө ба нүүр царай
Жиргэх
Манай хуудсанд LIKE дарж нэгдэнэ үү
Түлхүүр үгс:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд MISS.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.