Косметикийн ямарч ажилгаа эмэгтэй хүнд баясгалан авчирч байх ёстой. Ийм байхын тулд чиний арьс юунд дуртайг чи мэддэг үү?
Ус: Ус бол арьсны чинь уян хатан, өнгөлөг байхын эх булаг
Хэрэггүй зүйл: Өөртөө гуниглаж, уурлахаа үүрд мартах хэрэгтэй. Чиний арьс яагаад эзнийхээ янз бүрийн асуудлаас болж зовох хэрэгтэй юм бэ?
Уруул: Уруул бол зөөлөн булбарай эрхтэн. Түүнийг хатаж, омголтон хагарахаас сэргийл. Уруулын нимгэн арьсаа хамгаалахын тулд долоо хоногт нэг удаа урууландаа хэдэн дусал зөгийн бал түрхээд, энэ маскаа 5 минут байлгана.
Хүзүүнд: Ердийн нүүр гарын алчуур чамд хүзүүний гоо сайхнаа / бүхнээс хурдан хөгшрөлтийн тэмдэг болдог эмзэг газар шүү дээ / хэрхэн хамгаалахад туслана. Унтахын өмнө нугалж бөөрөнхийлсөн алчуураар эрүүрүүгээ алгадах маягаар дасгал хийнэ.
Пудра: Хэрэв арьсаа зөөлөн, толигор байлгая гэвэл компактны биш харин нунтаг пудра хэрэглэ. Ийм пудрийг зөөлөн, бүдүүн багсаар түрхэх зохимжтой байдаг.
Маск: Түүнээс гадна бидний арьс витаминлаг болон тэжээлийн масканд их дуртай байдгийг чи мэдэх үү? Ядаж долоо хоногт нэг удаа арьсандаа хэрэгтэй маскийг нь тавьж өгч сур
Тос: Чи тосоо яаж түрхэж байна? Тосыг хамгийн гол нь зөв түрхэх ёстой. Эхлээд нүүрэндээ тосоо бага багаар түрхэнэ. Харин дараа нь хурууныхаа өндөгөөр тараана.
Тоник: Лосьон уу эсвэл тоник уу? Аль нь дээр вэ? Ихэвчлэн өглөөд тоникыг харин оройд лосьон эсвэл сүүн шингэн зохимжтой байдаг.
Массаж: Хөнгөн иллэг арьсны эд эсийн солилцоог урамшуулж, нүүрийг гайхалтай цэвэр, өнгөлөг болгодог. Сайхан байх энэ онцгой аргыг анхаарахгүй орхиж яав ч болохгүй.
