Өөрөө өөрийгөө гижигдэхэд яагаад инээд хүрдэггүй юм бол? Хошин мэдрэмжийг тархины аль хэсэгтээ хүлээж авдаг вэ? Эдгээр олон асуултанд боломжийн судалгаа хийгдээгүй байгаа учир яг одоохондоо хариулахад хүндрэлтэй байна. Инээх ба хөхрөхийн клиник үйл ажиллагаа байгаагүй учир энэ талаар илүү судалгаа байхгүй гэж хэлж болно. Хүмүүс хэтэрхий их инээж, баярлаж хөхөрсөндөө эмчид очдоггүй.
Гэсэн хэдий ч зарим хүмүүс “инээх хямрал”-д ордог. Энэ нь тархины зарим хэсэгт хяналтаас гадуур хөхрөх, инээх “хямрал” бий болдог. Зарим “унадаг” өвчинд инээх явдал илэрдэг. 1962 онд Таганикийн дунд сургуульд нэг охинд инээх хямрал эхэлснээр богинохон хугацаанд бүх сургууль тэр чигээрээ энэхүү хямралд оржээ. Халдварт өвчин тархсан мэт энэ хямралаас болж сургууль 3 долоо хоногийн дотор хаагдсан байна. “NATURE” сэтгүүлийн 1998 оны 391-р дугаарт “Цахилгаан гүйдэл инээлгэдэг” гэсэн гарчигтай өгүүллэгт тархи болон инээх тухай сонирхолтой мэдээллийг хүмүүст хүргэжээ. 16-р зуунд унаж, татдаг нэгэн охинд тархины мэс засал хийжээ. Хагалгаанд орон үед эмч нар охины тархины зүүн дээд талын 2х2 см хэмжээтэй талбайг цахилгаан гүйдэлд цохиулах бүрт охин инээж байв. Тархины энэ хэсэг нь хөдөлгөөнтэй хэсэг юм.
Тархины хошин зүйлтэй 3 ангилал байдаг.
1. Хошин мэдрэмж. Инээхийн тулд гижигдэх хэрэгтэй. Ямар нэг хошин үйл ажиллагаа инээх мэдрэмжийг хөдөлгөдөг.
2. Хошин зүйлийг бодох. Хошин зүйлийг мэдрэх хэсэг. Энэ зүйл байхгүй бол наргиан, цэнгэл болж танигдахгүй болно гэсэн үг.
3. Инээмсэглэхэд нүүрний булчин болон түүнийг ажиллуулж буй шөрмөс, шөрмөсний холбоос ажиллуулна. Одоо шинжлэх ухаан үүнд хангалттай хариулт өгч чадахгүй байна. Инээхийн эерэг ба сөрөг тал Gelotolog – нь инээдийг физиологи талаас нь судалдаг шинжлэх ухаан юм. Энэ нь инээд бол дуу болон хөдөлгөөнөөс өөр зүйл юм. Инээх үед маш олон тооны булчин зэрэг ажилладаг. Үүнд:
1. Цусны эргэлт нэмэгдэнэ.
2. Зүрх хүчтэй цохилно.
3. Амьсгаа хүчтэй цохилно.
4. Неврохимийн бодисын түвшин багасдаг.
5. Мэдрэлийн систем ажиллаж, хөдөлгөөнд ордог. Инээхэд булчин суларч, хүмүүс тайвширдаг. Зарим эмнэлэгт “инээдмийн өрөө” ч байдаг. Психонероиммунологи нь стресс, гомдол мэдрэлийн системд хэрхэн нөлөөлдгийг судалдаг. Өвчний 50 хувь нь гомдол, стресс, амьдралыг буруу ойлгосноос болдог гэж үздэг байна. Инээмсэглэхэд мэдрэлийн систем хөдөлж, стрессийн даавар болон түвшин өөрчлөгддөг.
Инээхэд:
– Хэвийн бус эсийг устгагч,
– Иммуни системд плазм, гамма түвшин зэрэг нэмэгддэг.
1990 онд АНУ-ын 41 лицей сурагчдын дунд туршилт явуулжээ. Туршилт явуулахын өмнө сурагчдын цусны даралтыг хэмжиж үзсэн байна. Сурагчдыг хоёр бүлэгт хувааж нэг бүлэгт хошин, нөгөөд энгийн ярилцлага сонсгожээ. Туршилтын дараа тэдний даралтыг дахин хэмжиж үзэхэд хошин ярилцлага сонссон сурагчдын цусны даралт, шүлсэнд нь иммуноглубины түвшин нэмэгдсэн байв. Харин энгийн ярилцлага сонссон бүлгийн сурагчдад ямар ч өөрчлөлт гараагүй байна. Инээхэд бидний нүүр, гар, хөл цээжний булчингууд ажилладаг. Инээх нь эерэг тал ихтэй ч мөн сөрөг үр дагавар ч илэрдэг. Хөхрөхөд зүрхний хямрал, тархинд цус харвах, саа өвчин үүсэх зэрэг эмгэг илэрдэг бол мөн хэвлийн хагалгаа хийлгэсэн, хавиргаа гэмтээсэн гэх мэт хүмүүст инээж хөхрөх нь сөргөөр нөлөөлдөг.
Ингээд нэгэн бяцхан түүхээр энэхүү өгүүллэгийг өндөрлөцгөөе. Зөөгч залуу үйлчлүүлэгчиддээ ямагт эелдэг инээмсэглэл бэлэглэдэг байлаа. Баярлаж талархсан хүмүүс түүнд өдөр бүр цайны мөнгө өгдөг байв. Зөөгч үүнд урамшин илүү сайн ажилладаг байлаа. Тэрээр өдөрт олсон мөнгөө гэртээ харих замдаа тааралдсан гуйлагачинд өгч тэр нь түүний ачаар талхтайгаа золгодог байв. Гэтэл нэг өдөр харин замд нь даарч бээрсэн туранхай муур тааралджээ. Зөөгч залуу өрөвч сэтгэлээр гэртээ авчран түүнийг сүүгээр дайлав. Шөнө нь залуугийн гэрт түймэр гарахад муур нь түүнийг сэрээж амийг нь аварчээ.
