Ганцхан чамдаа л гэж худал хэлэхгүй
Гарцаагүй уулзах мөчдөө чинийх л байя
Үүрд гэж жүжиг тавихгүй
Үнсэлцэх үедээ чинийх л байя
Зөөлөн тэвэртээ энхрийлэн багтаа
Зөвхөн тэр эгшинд чинийх л байя
Зөрүүдлэж маягархаж бүү буцаа
Зөвшөөрсөн цагт чинь чинийх л байя
Он улирч бүгд хуучирхад
Оргилсон энэ үдэш л шинээрээ үлдэнэ
Орчлон хувирч бие хөгширөхөд
Одсон энэ цагууд л мэдрэмжээ хадгална
Цулцгар цээжиндээ нүүрийг минь наа
Цуглуулсан үнэрээрээ шүлэг бичнэ
Ааги нь сэнгэнэсэн охь шиг мөчүүд л
Амьдралын турш дотроос төөнөнө 🙂
Булцгархан хөхний чинь ягаахан товчийг
Булбархан уруулаараа сорон үнсэхдээ
Орчлонгийн явдлыг огоорон мартагнаж
Орчилдон уусахдаа чинийх л байна аа
Б.МӨНХ-ОРГИЛ
2017.02.19-нд