Жирэмсэн эмэгтэйчүүд эрт хяналтанд орох нь ургийн гажиг, эхийн биеийн байдлыг тодорхойлоход чухал ач холбогдолтой. Тэгвэл жирэмсэн эхчүүд эхний гурван сарын туршид хоолны хордлого өгч дотор муухай оргиж, толгой эргэх, хурц үнэрээс даажих, хоол идэх дуршилгүй болдог. Зарим бүсгүйчүүд ус уухад хүртэл дотор нь эвгүйрхдэг. Тэгвэл жирэмсэн үеийн хоолны хордлого, дотор муухай оргих мэдрэмжээс хэрхэн зайлсхийх вэ?Нийтлэлч миний бие өнөөдрийн байдлаар 27 долоо хоногтой жирэмсэн. Эхний гурван сар хоолны хордлогыг харьцангуй бага өгдөг байсан ч өөрийн туршлагаасаа хуваалцаж байна. Тэгэхээр жирэмсний 4-12 долоо хоногтойд бие эвгүйрхэж, дотор муухай оргидог. Энэ үед хэд хэдэн гарах арга зам бий.
1. Усны хэрэглээг эрчимтэй нэмэгдүүлэх
Бүхий л зөвөлгөөнд шингэн зүйл ихээр уух нь сайн хэмээн зөвөлдөг. Зарим бүсгүйчүүд цай, кофе, жүүс, ундааг уух зүйл гэж ойлгодог. Гэтэл бодит байдалд усанд байдаг ашигт бактерийг эдгээр уух зүйл орлож чаддаггүй. Жирэмсэн эх ус ууснаар ураг орчмын ус, хүүхдийн өсөлт хөгжил, өөрийн биеийн жин нэмэгдэхгүй байх тал дээр онцгой байр суурь эзэлдэг. Дунджаар 2-2.5 литр ус уух нь тун зохимжтой.
2. Ойр ойрхон бага багаар идэх
Хоолыг ихээр өдөрт гурван удаа биш эрүүл, зөв, тэжээллэг хоолыг хоёр цагийн зайтай дөрөвний нэг хэмжээтэй багаар идэх нь зүйтэй. Ингэснээр хордлого өгөх мэдрэмж буурах болно.
3. Ажил, амралтаа зохицуул
Хамгийн чухал зүйл бол амралт, ажлын хуваарийг зөв хуваарилж, ачааллыг багасгах. Учир нь та урьд байсан шигээ хэдэн өдрийн нойр, стрессийг давах чадваргүй болсон. Та өвдөх, уурлах, гуньж гутрахад үр тань бас зовж байгааг сана. Жирэмсэн эх дунджаар 8-9 цаг унтаж, гурван цаг ой модонд аялах хэмжээний цэвэр агаараар амьсгалах шаардлагатай. Амралтын өдрүүдэд ажлаасаа завсарлага авч агаарт гарах хэрэгтэй. Тогтмол агаарт гарах боломжгүй бол хүчилтөрөгчийн коктейлийг хэрэглэж эхлээрэй.
4. Тохирсон хөдөлгөөн
Язралтгүй, илүүдэл жингүй амаржмаар байна уу? Тэгвэл яг одооноос хөнгөн дасгал, усан спортоор хичээллээрэй. Дээрх зөвөлгөөг дагаж чадвал гарцаагүй хордлогын шинж тэмдэг багасч, эвгүй мэдрэмж багасна.
Магадгүй уншигч охид, бүсгүйчүүд маань хүн болгоны мэддэг энгийн зөвөлгөө оруулчихаад үүнийг зөвөлгөө, сургамж гэж байгаа юм уу гэж бодох биз. Гэхдээ бид бүгд энгийн мэддэг нийтлэг зүйлийг мэддэг хэрнээ дагаж, мөрдөж чаддаггүй. Агуу бүхэн энгийнээс…
