Ялимгүй энгийн хэрнээ бусдад буруу ойлголт төрүүлдэг хэд хэдэн алдааг хэлж өгье.Бид үргэлж сайхан харагдаж, хүмүүсийн хайр хүндэтгэлийг хүлээхийг хүсдэг бас хичээдэг гэсэн хэрнээ л юм бүхэн санаснаар болдоггүй гачлан бий. Хүсэл мөрөөдөлдөө хүрэх сайн сайхан бүхнээ хэдхэн хормын дотор баллуурдчихдаг муу зан бий. Ялимгүй энгийн хэрнээ бусдад буруу ойлголт төрүүлдэг хэд хэдэн алдааг хэлж өгье.
1. Микро болон олон нийтийн автобусанд хамаг амьдралаа тоочих. Ийм эвгүй бүдүүлэг алдаа гаргадаг олон эмэгтэй бий. Хэн нэгэнтэй утсаар ярихдаа хэрүүл маргаан, өвчин зовлон гээд өөрт тохиолдсноо чанга ярьдаг бол энэ зангаа засаарай. Амьдралдаа тохиолдсон сөрөг бүхнээ аль болох олны өмнө бүү яриарай.
2. Эмэгтэй хүнийг дүгнэж цэгнэх болох нэг зүйл бол яах аргагүй цэвэр цэмцгэр оймс байдаг. Айлд зочлох, хүүхдээ цэцэрлэгээс нь авах, эмнэлэгт үзүүлэх гээд л ер нь л гутлаа тайлж үйлчүүлэх газар элбэг дээ элбэг. Энэ тохиолдолд бүсгүй та эвгүй үнэртэй эсвэл урагдаж цоорсон, өнгө муудсан оймстой байж хэрхэвч болохгүй. Энэ ялимгүй үйлдэл чиний талаарх сайн сайхан төсөөллийг орвонгоор нь эргүүлэх хүчтэйг санаарай.
3. Олон нийтийн газар, ширээний ард бөгтийж суухыг цээрлээрэй. Энэ нь эв хавгүй харагдахаас гадна өөрийгөө үнэлж хүндэлдэггүйд тооцогддог. Ер нь бөгтийж суудаг хүний бүтээлч хандлага ч буурах талтай байдаг бас илүүдэл жинтэй, харвинтай бол бүр ч муухай харагдана. Тиймээс ямагт цэх сууж байхыг чармайгаарай.
4. Ажил, албан газруудаар явахдаа удаан наазгай алхахыг цээрлэ. Ийм алхаатай эмэгтэйг үл ойшоох хандлагатай хүн олон байдаг. Тэгээд ч цаг нартай уралдан ажлаа амжуулахыг чармайж яваа хэн нэгэн таныг хүлээн зогсох нь юу л бол?
5. Бид кофенд дурлагсдын эрин зуунд амьдарч байна гэхэд хилсдэхгүй. Гэртээ ч тэр, ажил дээрээ ч тэр цаг заваараа кофе уун амарцгаадаг. Хэрвээ та өнгөлөг сайхан аягыг уусан кофегоороо халтартуулаад босдог бол бохирдсон аяга таныг тэр чигээр нь илэрхийлдгийг анзаараарай.
6. Эцэст нь хэлэхэд хаана ч хэзээ ч тоос шороотой гуталтай явахыг өөрөө өөртөө хэзээ ч бүү зөвшөөрөөрэй. Таны цүнхэнд үргэлж байх ёстой зүлийн нэг нь яах аргагүй үсний сам. Хичнээн яарсан ч тольтой газар таарвал самбаачлан үсээ янзалж тордчихдог бол гэмгүй шүү, бүсгүйчүүд ээ.
