Анх “Шилмэл загвар” агентлагаас төрөн гарч байсан залуухан охин О.Ариунзул өдгөө Монголын чадварлаг моделуудын нэгээр нэрлэгдэх хэмжээний өөрийн гэсэн орон зайг бий болгож чаджээ. Түүний сүүлийн үеийн сонин сайхнаас дуулгахад Нью-Йорк хотын Манхеттан дүүргээр ажил төрлөө амжуулахын сацуу амраг хайрттайгаа зугаалаад ирсэн сурагтай. Энэ жилийн “Гоёл” наадмаар үснийхээ өнгийг өөрчлөөд ч амжилт олоогүй гэж хэвлэлийнхэн хүртэл шуугиад амжсан ч тэрээр өөрийн дурласан салбартаа чадах чинээгээрээ мэрийж яваа шүү гэдгээ олон түмэнд нотлож л яваа хөдөлмөрч бүсгүй. Үүний нэгэн жишээ Нью-Йорк дахь зураг авалтын үеэр авхуулсан зурагнууд нь энэ зууны супер модел Синди-Кроуфордын таашаалд нийцсэн талаар О.Ариунзул өөрийн цахим хуудсаар их л баяртайгаар хуваалцаж байсан. Ийнхүү бид дэлхийд үнэлэгдэж байгаа Монгол охидоороо бахархахгүй байж болно гэж үү? Мөн залуу хосууд A&A хэмээх нэртэй шинэхэн коллекцоороо удахгүй та бүхэнтэй уулзах гээд тунчиг завгүй гүйж байгаа талаар дуулгахад таатай байна.
Эх сурвалж:Шуурхай.мн