Сарын тэмдгийн үед секс хийх нь аюултай юу?
Сарын тэмдгийн үед сексийг тэвчих нь олон зуун жилийн өмнө янз бүрийн улс орнуудад түгээмэл байж. Бүр сексдэх байтугай сарын тэмдгийн үед бүр олон нийтээс тусгаарлах үйл ажиллагаа явуулдаг байж. Энэ нь эмэгтэй хүнээс гарч буй цус нь араатан амьтдыг цусны үнэрээр дуудаж овог аймагт аюул учруулж болзосгүй гэж үздэг байснаас юм.
Мөн сарын тэмдгийн үед эмэгтэй хүн ид шидийн хүч олж бусдыг хорлох вий хэмээн айдаг байж. Мусалманы орнуудад сарын тэмдгийн үед эмэгтэй хүн ариун биш болдог гэх зэрэг мухар сүсгүүд яван явсаар ер нь бол сарын тэмдгийн үед сексдэх нь буруу гэсэн ойлголттой болсон байна.
Гэхдээ “Мухар сүсэг” гэж хэлсэнээр сарын тэмдгийн үед сексдэж болно гэж шууд ойлгож болохгүй. Орчин цагт зарим хүмүүс сарын тэмдгийн үед сексийн дур хүслээ барьж чадаагүйгээсээ болж энэхүү бичигдээгүй хуулийг зөрчиж эхэлсэн байна. Тэгтэл сүртэй аюул болоогүйгээр барахгүй сарын тэмдгийн үед эмэгтэй гэлтгүй эрэгтэй хүний дур хүсэл энгийн үеийнхээс илүү тачаадан байдгийг олж мэдсэн байх юм.
Сарын тэмдгийн үед сексийг тэвчих нь эмэгтэй хүний ичимхий санаа зовсон зангаас мөн шалтгаална. Хэрвээ та байнгын тогтмол ганц сексийн хамтрагчтай бол сарын тэмдгийн үеийн сексээс татгалзах зүйл байхгүй. Харин тохиолдлын хавьталтаас эрс татгалзах хэрэгтэй. Энэ нь хэрвээ тэр хүн ямар нэгэн бактер вирусын халдвартай бохир байвал таны савны амсар нээлттэй байгаа учраас савны амсарын үрэвсэл өвчин авах магдлал маш өндөр болдог.
Сарын тэмдгийн үед секс хэрхэн хийх вэ?
Эхлээд сарын тэмдгийн ирж байхад өвдөлт ихтэй үеийг өнгөрөөх хэрэгтэй. Өвдөлттэй байна гэдэг нь цус их хэмжээгээр алдаж байна гэсэн үг. Цус их алдалттай үед тийм ч таатай байхгүй болову уу?
Мөн орны давуу, алчуур, сальфетик зэргийг урьдчилан бэлдсэн байх нь зүгээр. Эрэгтэй нь дээр байрлалыг сонговол нэн тааламжтай бөгөөд хэвтэж байхад цус алдалт хамаагүй бага хэмжээтэй байдаг байна. Хэрвээ эмэгтэй нь дээрээ бол доошоо цус гарах нь их болох, мөн сарын тэмдгийг зогсоох аюултай.
Орчин цагийн анагаах ухааны мэргэжилтэнгүүд сарын тэмдгийн үед хосууд ариун цэвэр сайн хангасан үед ямар ч аюулгүй гэж зөвлөж байна. Гэхдээ цус бол үтрээний өөрийн хэрэгтэй болон гадны өвчин үүсгэх нян өсөн үржих таатай орчин гэдгийг мартаж болохгүй.
Сарын тэмдгийн үед савнаас эндометрия гэх савны хальсанцар гуужин гадагшилдаг байна. Зохих цагт нь гадагшлуулахгүй байвал эндометриоз гэх хүнд хэлбэрийн өвчин үүсгэж болзошгүй юм. Энэ нь эмчлэгдэхгүй удвал өвдөлт мэдрэгдэж сарын тэмдгийн бус өдөр цус үзэгдэх бүүр цаашилбал үргүй болох аюултай.
Гэхдээ энэ нь сексээс шалтгаалахгүйгээр үүсдэг тохиолдол байдаг. Зарим эмэгтэйчүүд сарын тэмдгийн үед их өвдөлт өгч хэцүү байдаг бол тэр үеийн секс нь өвчин намдаах үйлчилгээтэй байдаг талаар эмч нар сайшаасан байдаг. Энэ үеийн секс эмэгтэй хүнд сэтгэл санааны сайн нөлөө үзүүлдэг гэж үздэг байна.
Сарын тэмдгийн үеийн секс мөчлөгийг өөрчилж бүр зогсоож болох уу?
Хүчтэй дур ханалт, мэдрэмжээс болж сарын тэмдэг дуусах ёстой өдрөөсөө өмнө дуусаж болзошгүй юм. Энэ нь эр бэлгийн эс сперм нь эмэгтэй хүний биед орсоноос үүдэлтэй. Сарын тэмдгийн үед эндометря нь гормоных шиг үйлчилгээ үзүүлдэг бодис ялгаруулж эхэлдэг байна. Харин сперм нь төстэй бодис учраас эмэгтэй хүний бие дэх гормон нь хангалттай болж сарын тэмдгийн явагдах хугацаа богиносдог байна. Мөн яг бэлгийн хавьталд орохо үед зогссон хэрнээ үргэлжлүүлээд дахиад ирэх тохиолдол байдаг. Ингэсэнээр сарын тэмдгийн хоног уртсах болно.
Сарын тэмдгийн үед бэлгийнн харьцаанд орвол би жирэмслэж болох уу?
Ихэнх эмэгтэйчүүд сарын тэмдгийн үед сексдэхэд жирэмсэн болохгүй гэж бодоод их тайвширсан байдаг. Гэхдээ бас риск байсаар л байдаг байна. Бага ч гэсэн таны сарын тэмдэг байх ёстойгоосоо бага зэрэг наашилж эсвэл сунжирдаг бол сарын тэмдгийн үед хамгаалалт хэрэглэх хэрэгтэй. Учир нь эр бэлгийн эс эмэгтэй хүний биед 5-7 хоног амьд байдаг боловч түүнээс хэд илүү хоног ч амьд байх тохиолдол байдаг. Ер нь бол жирэмслэх огт боломжгүй үе гэж байдаггүй гэдгийг санах хэрэгтэй.
