“Монгол модель” агентлагийн загвар өмсөгч Э.Эрдэнэцогт, С.Төгс нар тун удахгүй үрийн зулай үнэрлэх гэнэ. Загварын ертөнцөөс төрсөн энэ хос агентлагийнхаа шинэ жилийн баяраар “Төгс хос” өргөмжлөл авсан төдийгүй сүйн бөгжөө онгоцонд солилцож байжээ. Хамтдаа зураг авахуулж, клипт тоглох дуртай залуу хос өөрсдийнхөө харилцааг чамгүй сайн сурталчилдаг юм билээ. Тухайлбал, модель бүсгүй олон орны агентлагаас хамтарч ажиллах санал ирдэг ч “мөнгөний машин” болох хүсэлгүй учраас татгалзсан гэдэг. Харин найз залуу нь өөрийгөө “секс симбол” гэж нэрлэх нь холгүй сурталчлан “Дотно харилцаатай байсан хүүхнүүдийн тоо 200-д хүрсэн” гэж олныг алмайруулж байсан удаатай. Тэгвэл томоогүй, бас нэлээд дүрсгүй ч гэмээр эл хос тун удахгүй бүл нэмэх гэж байгаа баяртай мэдээг дуулгалаа. Иймээс гэр бүлийн амьдралаа төвхнүүлэн багагүй томоожсон. Тэд загварын ажлаас түр ч атугай хөндийрөн, анхны үрээ өлгийдөж авах гээд тэсэн ядан суугаа гэсэн шүү.
Р.ЕСҮЙ ҮНДЭСНИЙ МЭДЭЭ