Эмэгтэй хүн бүр бусдын харцыг булааж сайхан харагдахыг хүсдэг. Гэхдээ жижиг сажиг алдаанаас болон сайхан харагдаж чадахгүй байгаа юм биш биз.1. Будгаа арилгаж нүүрээ цэвэрлэлгүй унтах. Нэг шөнө будгаа арилгалгүй унтахад 14 хоногоор хөгширдөг.
2. Гэртээ орж ирээд хувцсаа солихоос. Хувцсаа сэлгэнэ гэдэг бол нэг ёсоор биеэ амрааж байгаа хэрэг. Гэртээ байхдаа аль болох хөхний даруулгагүй байж, хоёр хөөрхнийгөө суллаж байгаарай. Бие шалтгаангүйгээр хөших, хичнээн их унтсан ч бүрэн амарч чадахгүй байх нь өдөржин нэг хувцастайгаа явснаас хамааралтай ч байх магадлалтай.
3. Хумс болон гаранд зориулсан тэжээлийн тосыг тогтмол хэрэглэж заншаарай.
4. Усанд орчихоод биеэ тослох хэрэгтэй. Ялангуяа бүлээн усанд орж нүх нь нээгдсэний дараа тосолвол сайн шингэдэг. Биеэ бүрэн сайн тослож хэвшвэл арьсны биржгэр, тогтсон сайр, хөлний эвэр зэргээс сэргийлж болно.
5. Долоо хоногт дор хаяж нэг удаа тэжээлийн маск тавихаас. Маск бол бүх бүтээгдэхүүний хаан юм. Нүүрээ цэвэрлэж чийгшүүлэхээс гадна тогтмол тэжээл өгөх ёстой. Харин хамгийн сайн тэжээл өгөх арга бол зүгээр л тос түрхээд орхих биш, байгалийн гаралтай маск тавих мөн.
6. 14 хоногт нэг удаа гоо сайхны салонд орох. Цалин болгон дээрээсээ салонд ороод байвал үнэтэй гоо сайхны бүтээгдэхүүнд мөнгө зарах хэрэг ч гарахгүй. Салонд ойр ойрхон орох тусам, үйлчилгээ нь улам сайн нөлөөлдөг.
7. Үсэндээ тос түрхэх. Үс бол арьстай л ижил. Гялалзаж намирахын тулд түүнд цэвэрлэгээ, ангижруулалтаас гадна тэжээл шаарддаг.
8. Нүүрнийхээ арьсанд хүрэхээс өмнө гараа угаах. Хүний гарын хуруунд хэдэн мянган бактери агуулагддаг. Тэд бүгд чиний цэмцгэр, өөгүй нүүрэнд хүрнэ гээд бод доо?
9. Нунтаг энгэсэгний порлон, багсаа цэвэрлэх. Арьсны гадна талд хичнээн хэмжээний бохирдол хуримтлагдаж байгаа нь ойлгомжтой. Харин түүнд өдөр бүр ямар нэг хэмжээгээр хүрдэг будгийн хэрэгслээ байнга цэвэрлэж байх хэрэгтэй . чиний гоо сайхны порлон аяга таваг угаагч порлон биш гэдгийг санаарай.
10. Сормуусны будгаа тогтмол солихоос. Ямар ч сормуусны будагны дээд талын хэрэглээ л 3 сар байх ёстой байдаг. Үүнээс хэтэрвэл будаг нь дуусаагүй ч, багс нь өөртөө нян нэмж тээвэрлэсээр байдаг. Нүд чинь аргаж, улайх нь ихсээд байгаа бол будгаа хэзээ хэрэглэж эхэлснээ нэг санаад үзвэл ямар вэ?
11. Нүүр гар, ванны алчуур, орны даавуунуудаа байнга угаах. Хүний арьс байнга гууждаг. Ялангуяа шөнийн цагаар унтах хооронд. Ор хөнжлийн даавуугаа байнга угаахгүй бол гуужиж үхэжсэн арьсан дээрээ хэвтсээр байна гэсэн үг. Харин бие, гарын алчуурын хувьд бүрэн цэвэрлэгдээгүй үлдсэн арьсан дээрх бохирдлыг авдаг учраас 3-4 хоногт угааж байгаарай.
12. Гарахаасаа өмнө нарны тосоо түрхэх. Өвөл, хавар, намар, зун нарны тосыг байнга хэрэглэ. Нар бидний дээрээс тусч байгаа л бол хэт ягаан туяанаас арьсаа хамгаалах хэрэгтэй. Хэт ягаан туяа арьсны чинь уян хатан чанарыг нь алдагдуулах гээд отоод байж байдаг юм шүү.
13. Юм угаахдаа бээлий өмсөж байгаарай
14. Хумсны будгаа хусаж арилгаж болохгүй шүү. Ингэж арилгах нь эмэгтэй хүний саванд муу нөлөөтэйгээс гадна хумс гэмтдэг.
15. Оройдоо шөнийн тосоо түрхэх. Хамгийн үр дүнтэй арьс арчилгаа юу гээч? Тэр бол шөнийн тос. Сайтар цэвэрлэж чийгшүүлчихээд хүний арьсанд нөхөн сэргээлт явагдаж байх үед тэжээл өгдөг хэрэг.
16. Үргэлж уруулаа өнгөлж байгаарай.
17. Хумсны будгийг ойр ойр солих. Нэг хумсны будгийг гурван сараас илүү хугацаанд байлгах нь тийм ч сайн зүйл биш. Өтгөрөөгүй ч гэсэн химийн урвал явагдсан байдаг.
18. Гарахаасаа өмнө үсээ сайн хатаах. Нойтон үстэй гарч болохгүй шүү. Тархины судас болон мэдрэлийн судлуудад цочрол өгч, толгой чинь шалтгаангүйгээр өвддөг болохоос гадна үс чинь хугарамтгай болно.
19. Өглөөний цайгаа уучихаад гарах. Орой хоол идэхгүй байж болно харин өглөөний цайгаа уухгүй байж болохгүй. Ходоодоо хайрла. Ходоодонд чинь явагдаж байгаа бүхэн нүүр, биен дээр чинь “тайлангаа” тавьж байдаг.
20. Ургуулаагүй богино хумсыг тод өнгийн лакаар будах зохимжгүй. Харин өнгөгүй лакаар будвал цэвэрхэн харагдана.
21. Та хумсаа урт ургуулсан бол өмссөн хувцасныхаа өнгөтэй хоршуулан хумсаа будаарай. Ургуулсан хумсаа будаагүй бол үзэмжгүй харагддаг. Бас нэгэн бяцхан зөвлөгөө, бүсгүй та амралтын өдрөөрөө энэ зөвлөгөөг хэрэгжүүлээрэй.
22. Өдөр бүр дасгал хийн биендээ анхаараарай. Өв тэгш бие гайхалтай байх болно.
23. Шинэхэн худалдаж авсан дотуур хувцсаа угааж өмсөх. Цоо шинэ байж болно л доо. Гэхдээ дэлгүүрийн лангуун дээр хэр удаж, хичнээн хүмүүс барьж үзсэнийг чи мэдэхгүй шүү дээ. Мэдэхгүй зүйлээ эмзэг эрхтэндээ шууд хүргэхдээ итгэлтэй байна уу?
24. Толинд хараад өөртөө инээмсэглэл бэлэглэхээсээ хэзээ ч битгий залхуурч байгаарай. Яагаад гэвэл тэр өдрийн урам зориг, инээмсэглэлийг хамгийн түрүүнд чи л өөртөө өгч чадна.
25. Өөрийгөө хэзээ ч битгий гол чи үргэлж хамгийн сайхан нь байх болно.
