Жирэмсэн үед эмэгтэй хүний бие хэвийн үеийнхээс илүүтэйгээр халдварт өртөмхий болдог нь гэм биш зан юм. Ялангуяа, жирэмсний хоёрдугаар гурван сараас энэ нь бүр ч ихэснэ гээч.
Заримдаа үнэргүй зүйл ялгарах нь ихэсч, эсвэл цагаан зүйл байн байн гараад байна уу. Энэ бол жирэмсний хоёр дахь гурван сард тохиолддог нийтлэг шинж тэмдэг юм.
Хэрэв чамд нэг л биш санагдаад, байн байн доогуур загатнаад нэг л таагүй байвал хяналтын эмчдээ шинжилгээ өгөхийг зөвлөж байна. Ерөнхийдөө жирэмсний үеийн ихэнх халдвар нь жирэмслэлтэд сөрөг нөлөө багатай байдаг аж. Гэхдээ л үүнийг эмчилж шинж тэмдэггүй болгох нь чухал шүү. Өөрөө өөртөө жор бичиж, халдварыг улам архагшуулах бүр ч хэрэггүй гэдгийг онцолъё.
Үтрээний халдвар гэж юу вэ?
Үтрээн дэх хүчиллэг орчны хэвийн хэмжээ алдагдахад халдвар орж тухтай нь аргагүй байраа эзэлдэг. Энэ халдвар орсныг чи түвэггүй мэдэж чадна. Бэлгийн уруул, үтрээний гадна тал загатнах, нэг л таагүй хуурай мэдрэмж төрөх гээд л.
Заримдаа бүр ямар ч шинэ тэмдэггүйгээр халдвар явагдах нь ч бий.
Яагаад жирэмсний үед ингэж халдварт өртдөг юм бол?
Дараахь хэд хэдэн шалтгааны улмаас жирэмсэн эмэгтэй үтрээний халдварт өртөх нь их байдаг аж:
- Энгийн үеийн дааврын хэмжээ жирэмслэлт эхэлснээс хойш өөрчлөгддөг
- Төрөлттэй холбоотойгоор дааврын эм бэлдмэл уудгаас
- Элдэв антибиотикийн хэрэглээ
- Цусан дахь сахарын хэмжээ ихсэх, чихрийн шижин
- Бэлгийн харьцаанд орох
- Угаалга хийлгэх
Яг одоо таны бие маш их өөрчлөлтийг даван туулж байгаа. Түүнчлэн үтрээнд явагдаж буй химийн өөрчлөлтийг зохицуулах нь таны биеийн хувьд маш их ачаалал өгч буй. Мөөгөнцрийн халдвар давамгайлснаас үтрээний шүүрэлд сахар ихээр ялгарч бусад халдварыг ч тэжээж өгдөг байна.
Халдвар авсан бол ямар шинж тэмдэг илрэх вэ?
Дараахь хэд хэдэн шинж тэмдэг илэрвэл та эмэгтэйчүүдийн эмчдээ хандаарай:
- Байнга цагаан юм гарах, тэр нь аарцархуу, талхны хөрөнгө шиг үнэртэй бол
- Эсвэл шар, ногоондуу өнгөтэй зүйл гарах, мөн аарцархуу, талхны хөрөнгө шиг үнэртэй байх.
- Их хэмжээний ялгадас үтрээнээс гарах
- Бэлгийн уруул загатнаж, өвчтэй болох, улайх
- Бэлгийн харьцааны үед шээс ялгарах, шээс хүрэх
Үтрээний халдварыг жирэмсний үед хэрхэн эмчилдэг вэ?
Жирэмсний үед үтрээний халдварыг эмчлэхдээ эмэгтэйчүүдийн эмч танд лаа болон тосон түрхлэг зөвлөх болно. Жирэмсний явцад эдгээр халдваруудыг эмчлэхгүй бол төрөх замаар хүүхдийн аманд халдвар дамжих эрсдэлтэйг бүү мартаарай.
Жирэмсний үеийн эмчилгээ 10-14 хоног хийгдэхэд таны үтрээ эргээд л цэвэрхэн болно. Эмчилгээний дараа та үтрээндээ нистатины нунтаг цацсанаар дахин халдвар авахаас сэргийлж чадна.
Эдгээр халдвараас өөрийгөө бүрэн сэргийлэх боломжтой юу?
Ихэнхдээ дараахь зүйлсийг мөрдвөл халдвараас зайлсхийж чадна:
- Сул, биед эвтэйхэн, агаар нэвтрүүлдэг хөвөн даавуун дотуур өмд өмсөх.
- Усанд ороод, бэлэг эрхтэнээ угаасны дараа үсний сэнсээ бага дээр нь тавиад бэлэг эрхтэнийхээ
- орчны арьсыг хаттал зөөлөн үлээлгэх. Учир нь халдвар нойтон, чийглэг газарт дуртай байдаг.
- Бие зассаны дараа урдаас хойш чиглэсэн байдлаар бэлэг эрхтэнээ арчих.
- Бассейнд сэлсний дараа заавал шүршүүрт орж байх. Мөн усны хувца, дотуур өмдөө ч аль болох хурдан сольж байх.
- Эмэгтэйчүүдийн гэгдэх элдэв үнэртэн, сүрчиг, саван хэрэглэхээс татгалз. Мөн тампон хэрэглэхгүй байх. Тампон нь үнэр дарагч агуулсан байдаг учир хэрэггүй. Мөн өнгөтэй, үнэртэй ариун цэврийн цаас хэрэглэхгүй байх.
- Өдөр бүрийнхээ хүнсэнд йогурт, тараг хэрэглэж занших.
- Сахарын хэрэглээгээ хязгаарлах. Сахар нь үтрээний халдварыг тэжээгч юм.
- Сайн амарч, хангалттай унтар амрах нь халдвартай тэмцэх хүч чадлыг биед тань бий болгоно.
