Америкийн цэргийн DARPA агентлагийн инженерүүд химийн бодис хэрэглэхгүйгээр гал унтраах хоёр арга олсон байна. Тус агентлагийн цахим хуудсанд мэдээлснээр, соронзон орон, акустик ашиглан усан болон нисэх онгоцонд гарсан галыг богино хугацаанд унтраах боломжтой гэнэ.
Шилэн бүрхүүлээр хамгаалагдсан тусгай электрод галд ойртохдоо жет ион хэмээх бичил хэсгүүдийг үүсгэж галыг унтраана. Гэвч энэ аргыг том талбайд ашиглах нь тохиромжгүй хэмээн мэргэжилтнүүд үзэж буй. Харин авианы долгион ашиглан гал унтраах нь ямар ч нөхцөлд үр дүн өгч байгааг туршилтаар нотолжээ. Дуу авианы долгион галын тархалтыг багасгаад зогсохгүй шатаж буй зүйлийн гадаргууд шууд нөлөөлснөөр хэдхэн секундын дотор гал унтрах аж.
Ийм физик арга хэрэглэснээр хүрээлэн буй орчин, хүний эрүүл мэндэд хохирол учруулахгүйгээр галыг унтрааж болно хэмээн мэргэжилтнүүд онцолсон байна.
MONGOLNEWS.MN