Есдүгээр сараас 11 дүгээр сарын хооронд төрсөн хүүхэд бусдыгаа бодвол илүү урт наслах магадлал өндөр байдаг гэнэ. Эрдэмтдийн өгүүлж байгаагаар бол бүх учир тухайн хүүхдийн өсч торниж байгаа орчинд оршдог аж. Тэрхүү орчин ген болон үйл хөдлөл, хүмүүжилд нь нөлөөлдөг байна.
Өмнө нь хийгдэж байсан судалгааны ажлууд намар төрсөн хүмүүсийг урт удаан насладаг болохыг харуулж байсан билээ. Үүнийг нарийвчлан судлахаар Чикаго хотын их сургуулийн эрдэмтэд шийдсэн аж. Тэд 1880-1895 онуудад АНУ-д мэндэлсэн 100 насыг зооглосон 1500 гаруй хүний мэдээллийг цуглуулжээ.
Ингээд эрдэмтэд урт насласан хүмүүсийн мэдээллийг тэдгээрийн ижил орчинд төрж өссөн ойр дотны хүмүүсийнхтэй харьцуулав. Тэгтэл 100 насыг зооглосон хүмүүсийн нэлээдгүй хэсэг нь намрын улиралд төрсөн болох нь тодорхой болжээ. Харин гурав, тав, зургаадугаар сард мэндэлсэн хүмүүс бага насладаг болох нь илэрсэн аж.
www.wikimon.mn
