АНУ-ийн залуу дуучин Жастин Биберийг тойрсон дуулиан шуугиан намжаагүй байна. Саяхан тэрээр аялан тоглолтоо тодорхойгүй шалтгааны улмаас цуцалсан талаар мэдээлээ. Түүний аялан тоглолт ирэх 10-р сард дуусах ёстой байсан ч хуваарийн дагуу 14 тоглолтоо цуцалсан байна.Энэ талаар камерын өмнө хэлэхдээ “Бүх юм зүгээр, би хоёр жилийн туршид аялан тоглолтоор явсан. Амралт хэрэгтэй байна” гэжээ.
Уг мэдээллийг сонссон Ази дах фенүүд тун сэтгэл гонсгор байгаа бөгөөд Жастин биберийн тоглолтыг жил гаруй хугацаанд хүлээсэн гэж тайлбарлаж байна. Түүний уг шийдвэр Хятад улс түүнийг тоглолт хийхийг хориглосон бөгөөд дэмжигчдийн үзэж байгаачлан Бибер ихээхэн сэтгэл гутралд орсонтой холбоотой гэж үзлээ. Мөн Жастины менежер Скотт Браун өөрийн Инстаграм хуудаснаа “Аялан тоглолт дууссан, багийнхныхаа өмнөөс уучлал гуйж байна. Жастин эргэж ирэх болно” гэв.
