Жингээ хасч гоо сайхандаа анхаарал тавимаар байдаг. Гэтэл дасгал хөдөлгөөн хийх нь бүү хэл, 10-20 минут тухтай суух завгүй ажилч хичээнгүй бүсгүй бидний дунд олон байдаг даа. Тэгвэл тэдэндээ зориулаад үр дүнтэй бас цаг бага зарцуулдаг дасгалуудаас хүргэж байна. Туршаад үзээрэй. За ингээд дасгалаа эхэлцгээе.
1. Хоёр минутын турш дээсээр тоглоод хоёр минут завсарлаарай. Энэ маягаар 4 удаа давтах хэрэгтэй./хасах калори:111/
2. 10 минутын турш орцныхоо шатаар дээшээ доошоо гүйгээрэй. Дуртай олон ангит киноныхоо завсарлагаар л гүйчихэд болно шүү дээ. /хасах калори:42/
3. Зөөлөн буйдан дээрээ суухын алдад бүх биеэ чангал. Энэ байрлалдаа зогс. Тэгээд нэг минут барь. Энэ дасгалыг 4 удаа давтахад хангалттай. /хасах калори: 80/
4. Хажуулдаж хэвтээд хөлөө өргөж буулгах дасгал ч бас гайхалтай үр дүнтэй. Энэ дасгалыг 5 минут хийхийг хичээгээрэй. Мэдээж хоёр хөлөө ээлжлэн өргөж буулгана. /хасах калори: 50/
5. Дасгалын том бөмбгөн дээр суугаад бэлхүүсээ нэг минутын турш эргүүлээрэй. Энэ дасгалыг 4 удаа давтах хэрэгтэй шүү. /хасах калори: 17 калори/
6. 2 килограммын туухай эсвэл дүйцэх жинтэй эд зүйлс өргөнгөө 5 минутын турш босч суух дасгал хийгээд үзээрэй. /37 калори/
Завгүй бүсгүй минь энэ зургаан дасгалыг тогтмол хийж заншвал нэг л өдөр хүссэн үр дүндээ хүрэх болно. Гоолиг биеэрээ гайхуулах боломж чиний гарт байна шүү.
